قازاقستانعا قانشا ادام كوشىپ كەلدى?

فوتو: قازالى كز

قازاقستانعا 29 مىڭ ادام كوشىپ كەلگەن, دەپ جازادى qandastar.kz

بىلتىر ەلىمىزگە تۇراقتى تۇرۋعا 29 282 ادام كەلگەن, ال شەتەلگە 12 732 قازاقستاندىق كوشىپ كەتكەن. بۇل تۋرالى ۇلتتىق ستاتيستيكا بيۋروسىنىڭ دەرەكتەرىنەن بەلگىلى بولدى. 2023 جىلعا قاراعاندا قازاقستانعا كەلگەندەر سانى 15,3%-عا ارتقان. ال سىرتقا كوشىپ كەتكەندەر سانى 20,9 پايىزعا ازايعان. رەسپۋبليكاعا قونىس اۋدارعانداردىڭ دەنى تمد ەلدەرىنەن كەلگەن (81,6%).

سونداي-اق قىتاي, موڭعوليا جانە تۇركيادان كوشىپ كەلگەندەر دە كوپ. ولار نەگىزىنەن الماتى قالاسىن (6 260 ادام), الماتى (4 788) جانە ماڭعىستاۋ (3 680) وبلىستارىن تۇراقتى تۇراتىن مەكەنى رەتىندە تاڭداعان. وتانداستارىمىز كورشىلەس ەلدەرگە, گەرمانيا, پولشا جانە اقش-قا كوشىپ كەتكەن. وتكەن جىلى سولتۇستىك قازاقستان وبلىسىنان 2 133 ادام, قاراعاندى وبلىسىنان – 1 588 ادام, ال شىعىس قازاقستان وڭىرىنەن 1 195 ادام جىراققا قونىس اۋدارعان.