Qazaqstanǵa kerqulandardyń jańa toby kelip jetti

2025 jyly 3 maýsymda Qazaqstanǵa jańa kerqulandar toby ákelindi. Bul — “Jabaıy jylqylardyń oralýy” jobasy aıasyndaǵy ekinshi halyqaralyq tasymal, dep habarlaıdy Qandastar.kz aqparat portaly BAQ.KZ saıtyna silteme jasap.

Jańa kerqulandar toby Praga zooparki men majar Hortobágy ulttyq parkinen ákelindi. 2 maýsym kúni tórt jylqydan tıelgen eki áskerı ushaq Chehııa men Majarstan elderinen ushyp shyqty. Janýarlar bir táýlikteı alys jol asyrdy. 3 maýsym kúni tań ata eki ushaq Arqalyq áýejaıyna kelip qonyp, janýarlar «Altyn Dala» memlekettik tabıǵı rezervatynyń aýmaǵyndaǵy jabaıy tuıaqtylardy reıntrodýkııalaý ortalyǵyna taǵy 5 saǵat jol júrdi. Olar osyndaǵy keń qashalarda bir jyl ustalady da, keıin jabaıy tabıǵatqa jiberiledi. Ortalyqta jylqylardy jaıǵastyratyn qajetti ınfraqurylym men kútip qaraıtyn mamandar bar.

Qazaqstandaǵy bıoáralýandyqty saqtaý jumysynyń jetekshi organy retinde tabıǵatymyzdy qalpyna keltirýdegi osyndaı mańyzdy kezeńdi basqarý — biz úshin asqan qurmet. Bir jyldyq jumystyń keremet nátıjesi — ekinshi top kerqulandar aman-esen kelip jetti, al birinshi top ábden kóndigip, «Altyn Dala» memlekettik rezervatynyń ınspektorlarynyń qorǵaýymen jabaıy tabıǵat tirshiligine tolyq daıyn, — deıdi Qazaqstan Respýblıkasy Ekologııa jáne tabıǵı resýrstar mınıstrliginiń Orman sharýashylyǵy jáne janýarlar álemi komıtetiniń tóraǵasy Danııar Turǵambaev.

Osymen Praga zooparkiniń Chehııa áskerimen seriktestikte kerqulandardy Ortalyq Eýropadan Qazaqstanǵa ekinshi ret tasymaldaýy. Eýropalyq zooparkiler men asyl tuqymdylardy ósiretin ortalyqtardan kelgen bul jylqylar jabaıy tabıǵatta jergilikti popýlıaııa qurýǵa negiz bolady. Tirshilikke beıimdi ári genetıkalyq alýan túrli popýlıaııa qalyptaspaıynsha, aldaǵy jyldary osy kúrdeli jobany jalǵastyrýǵa barynsha tyrysamyz, — deıdi Praga zooparkiniń dırektory Mıroslav Bobek.