قازاقستانعا قىتاي مەن تۇركيادان كوشىپ كەلەتىندەر سانى ارتتى

فوتو: adyrna.kz

5 مىڭ قازاقستاندىق رەسەيگە قونىس اۋداردى, – دەپ حابارلايدى qandastar.kz

2024 جىلدىڭ ءبىرىنشى جارتىسىندا اسپان استى ەلىنەن 1173 ادام كوشىپ كەلگەن. ال تۇركيادان 248 ازامات قازاقستانعا كەپ تۇراقتاعان. جالپى 5 مىڭعا جۋىق ادام وزبەكستان, رەسەي, موڭعوليا جانە تۇركىمەنستان ەلدەرىنەن اۋعان. بۇل وتكەن جىلمەن سالىستىرعاندا 4 پايىزعا كوپ. ولاردىڭ 36% ورتا ءبىلىمدى. 22% كاسىبي ماماندار. قاتاردا ەكونوميست, پەداگوگ, دارىگەر جانە اۋىل شارۋاشىلىعى ماماندارى بار.

atamekenbusiness جازعانداي, ال ەلىمىزدەن كەتەتىندەر سانى 0,6 پايىزعا كەمىگەن. بىلتىرعا قاراعاندا 7 مىڭعا از. بيىل كوبىسى ياعني 5 مىڭ قازاقستاندىق رەسەيگە قونىس اۋدارعان. گەرمانياعا – 973, اقش-قا – 191, پولشاعا – 180 ادام كوشكەن. ودان وزگە قىرعىزستان, وزبەكستان, كانادادا قونىستانعاندارى بار. ولاردىڭ ىشىندە 29% ورتا ءبىلىمدى جانە 20% كاسىبي ماماندار. ءبىزدىڭ ەلدەن كوبىنە ارحيتەكتورلار مەن زاڭگەرلەر كەتكەن.