جاڭالىقتار
«قازاقستانعا جەتكىزەمىز»: دەنساۋلىق ساقتاۋ ءمينيسترى ەربايان مۇحتاردىڭ جاعدايىن ايتتى
فوتو: كوللاج Sn.kz
ۇلتتىق ۇلان ساربازى ەربايان مۇحتاردىڭ جاعدايىنا بايلانىستى دەنساۋلىق ساقتاۋ ءمينيسترى اقمارال ءالنازاروۆا پىكىر ءبىلدىردى. ونى اسكەري قىزمەت كەزىندە باسىنان جاراقات العاننان كەيىن ىستامبۇلعا ەمدەلۋگە جىبەرگەن ەدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
ءمينيستردىڭ ايتۋىنشا, شامامەن ەكى اپتا بۇرىن مينيسترلىك ساربازدىڭ وتباسىمەن بايلانىسقا شىققان. قازىر ول تۇركيادا وڭالتۋدان ءوتىپ جاتىر.
ءالنازاروۆانىڭ سوزىنشە, دەنساۋلىق ساقتاۋ مينيسترلىگى, قورعانىس مينيسترلىگى جانە ىشكى ىستەر مينيسترلىگى ساربازدى ەلگە جەتكىزۋ ماسەلەسىمەن اينالىسىپ جاتىر. مينيستر وتباسى مۇشەلەرىنە الاڭداماۋدى ايتىپ, ونى سانيتارلىق اۆياتسيا ارقىلى قازاقستانعا جەتكىزەتىنىن حابارلادى.
ەسكە سالايىق, بۇعان دەيىن ەربايان مۇحتار ۇلتتىق ۇلاننىڭ الماتى قالاسىنداعى 5571 اسكەري بولىمىندە اسكەري بورىشىن وتەپ جۇرگەن. 2023 جىلدىڭ جەلتوقسانىندا سارباز مي جاراقاتىن الىپ, سودان كەيىن كوماعا تۇسكەن. اسكەريلەر تۋىستارىنا ەرباياننىڭ دارەتحانادا قۇلاپ, باسىن ەدەنگە سوعىپ العانىن ايتقان.
