«Qazaqstanǵa jetkizemiz»: Densaýlyq saqtaý mınıstri Erbaıan Muhtardyń jaǵdaıyn aıtty

Foto: kollaj Sn.kz

Ulttyq ulan sarbazy Erbaıan Muhtardyń jaǵdaıyna baılanysty densaýlyq saqtaý mınıstri Aqmaral Álnazarova pikir bildirdi. Ony áskerı qyzmet kezinde basynan jaraqat alǵannan keıin Ystambulǵa emdelýge jibergen edi, dep habarlaıdy qandastar.kz  Skifnews.kz aqparat portalyna silteme jasap.

Mınıstrdiń aıtýynsha, shamamen eki apta buryn mınıstrlik sarbazdyń otbasymen baılanysqa shyqqan. Qazir ol Túrkııada ońaltýdan ótip jatyr.

Álnazarovanyń sózinshe, densaýlyq saqtaý mınıstrligi, qorǵanys mınıstrligi jáne ishki ister mınıstrligi sarbazdy elge jetkizý máselesimen aınalysyp jatyr. Mınıstr otbasy múshelerine alańdamaýdy aıtyp, ony sanıtarlyq avıaııa arqyly Qazaqstanǵa jetkizetinin habarlady.

Eske salaıyq, buǵan deıin Erbaıan Muhtar ulttyq ulannyń Almaty qalasyndaǵy 5571 áskerı bóliminde áskerı boryshyn ótep júrgen. 2023 jyldyń jeltoqsanynda sarbaz mı jaraqatyn alyp, sodan keıin komaǵa túsken. Áskerıler týystaryna Erbaıannyń dárethanada qulap, basyn edenge soǵyp alǵanyn aıtqan.