الەم جاڭالىقتارى
قازاقستاننان الىنعان ەتتەن برۋتسەللەز تابىلدى – تۇركىمەنستاندىق باق
فوتو: Pixabay.com
تۇركىمەنستان قازاقستاننان كەلگەن ەتتەن برۋتسەللەز تابىلىپ, سول ەت پارتيالارى بالالار مەكەمەلەرى مەن ساۋدا جەلىلەرىنە تۇسكەنىن مالىمدەدى, دەپ جازدى qandastar.kz
بۇل تۋرالى Stan.kz اقپارات اگەنتتىگى تۇركىمەنستان حرونيكاسى سايتىنا سىلتەمە جاساپ حابارلايدى.
باسىلىمنىڭ مالىمەتىنشە, مۇزداتىلعان ەت پارتيالارى تۇركىمەنستانعا اقمولا وبلىسىنان كەلگەن. كەيىننەن سانيتارلىق-ەپيدەميولوگيالىق ساراپتاما جۇرگىزەتىن زەرتحانا سىنامالاردان برۋتسەللەزدى انىقتادى. قازاقستان تاراپى يمپورتتاۋشى كومپانيا تولەنگەن اقشانى تولىعىمەن قايتاراتىنىن ايتتى.
انىقتالعانداي, ونىمدەردىڭ ءبىرىنشى پارتياسى احال ۆەلاياتىندا, ونىڭ ىشىندە مەكتەپكە دەيىنگى مەكەمەلەر مەن بالالار ۇيلەرىنە تاراتىلدى. ەكىنشى پارتيا مارى جانە لەباپ ۆەلاياتتارىنداعى تۇتىنۋشىلار قوعامىنىڭ ساۋدا نۇكتەلەرى ارقىلى ساتىلدى. ەتتىڭ ءبارى تاماققا قولدانىلعان.
تۇركىمەنستاننىڭ دەنساۋلىق ساقتاۋ جانە مەديتسينالىق ونەركاسىبى مينيسترلىگى اۋرۋحانالاردىڭ جۇقپالى اۋرۋلار بولىمشەلەرىن تەكسەرىپ, قاجەت بولعان جاعدايدا ناۋقاستاردى وقشاۋلاۋدى تاپسىردى.
