Qazaqstannyń 4 qalasynda terrorıstik qaýiptiń sary deńgeıi engiziledi

Foto: ashyq derekkóz

Ulttyq qaýipsizdik komıteti Astana, Almaty, Qaraǵandy jáne Kókshetaý qalalarynda terrorıstik qaýiptiń «sary» deńgeıi engiziletinin málimdedii. Bul týraly Stan.kz aqparat agenttigi habarlaıdy.

2-5 shilde aralyǵynda Qazaqstanda birqatar mańyzdy halyqaralyq is-sharalar, sonyń ishinde Shanhaı yntymaqtastyq uıymyna múshe memleketter basshylary keńesi jáne Qytaı Halyq respýblıkasy Tóraǵasynyń memlekettik sapary ótedi.

“Osyǵan oraı álemge belgili tájirıbege sáıkes ýákiletti memlekettik organdar keletin sheteldik delegaııalardyń, olardyń ishinde memleket basshylary men halyqaralyq uıymdar basshylarynyń qaýipsizdigin joǵary deńgeıde qamtamasyz etýge tolyqqandy sharalar qabyldaıdy”, – delingen habarlamada.

Vedomstvo ókilderi «Terrorızmge qarsy is-qımyl týraly» Zańnyń 12, 13 jáne 15-baptaryna sáıkes, kúzetiletin tulǵalardyń qaýipsizdigin qamtamasyz etý boıynsha kúzet is-sharalaryn ótkizý kezinde Terrorızmge qarsy kúres jónindegi respýblıkalyq jedel shtabtyń basshysy retinde Qazaqstan Respýblıkasy Memlekettik kúzet qyzmeti bastyǵynyń sheshimi boıynsha Astana, Almaty, Qaraǵandy jáne Kókshetaý qalalarynyń jekelegen ýchaskelerinde terrorızmge qarsy operaııanyń quqyqtyq rejıminde quqyqtyq tártip pen qoǵamdyq qaýipsizdikti qoldaý is-sharalary ótetinin habarlady.

Quqyqtyq rejım 2 shilde saǵat 00:01-den 4 shilde saǵat 23:59-ǵa deıin Shanhan Yntymaqtastyq Uıymy sammıti ótetin aýmaqtar men kúzetiletin tulǵalar júretin baǵyttar boıynsha belgilengen.

Kúzetiletin tulǵalardyń Aqmola, Qaraǵandy oblysy men Almaty qalasy aýmaǵyna kelgen jaǵdaıda olar kelgen kezeńge jáne atalǵan óńirlerge bolatyn oryndaryna terrorızmge qarsy operaııanyń quqyqtyq rejımi ornatylady.

Terrorızmge qarsy operaııa ótkizý aımaqtarynda kúzetiletin tulǵalar bolǵan kezeńderinde ol aımaqtarda adamdardyń jáne avtokólikterdiń qozǵalýlaryna shekteý sharalary qoldanylady.

Kúzetiletin tulǵalardyń júretin arnaıy trassalar ýchaskelerinde qalalyq jolaýshylar kólikteriniń qozǵalystary toqtatylady. Tıisti baǵdarlardaǵy ózgertýler týraly Astana qalasynyń ákimdigi habarlaıdy.

Budan basqa, Qazaqstan Respýblıkasy prezıdentiniń 2013 jylǵy 9 tamyzdaǵy №611 jarlyǵymen bekitilgen «Terrorızm aktisi qateriniń týyndaýy týraly aqparat monıtorınginiń jáne halyqty habardar etýdiń memlekettik júıesiniń uıymdastyrylýy men jumys isteý qaǵıdalaryna» sáıkes terrorızmge qarsy operaııanyń quqyqtyq rejımi engizilýin eskere otyryp, Astana, Almaty, Qaraǵandy jáne Kókshetaý qalalarynyń Shanhaı yntymaqtastyq uıymynyń sammıtin ótkizý obektilerinde 2 shilde saǵat 00:01-den bastap 4 shilde saǵat 23:59-ǵa deıin terrorıstik qaýiptiń birqalypty («sary») deńgeıi belgilenedi.

Birqalypty («sary») deńgeı ýákiletti memlekettik organdardyń uıymdastyrýshylyq, ákimshilik jáne jedel is-sharalar keshenin ótkizýdi kózdeıdi, atap aıtqanda:

• jekelegen aýmaqtarda kólik quraldary men jaıaý júrginshilerdiń qozǵalystaryna shekteý engizedi;
• kınologııa qyzmetiniń mamandaryn tarta otyryp, kóshelerde, alańdarda, stadıondarda, skverlerde, saıabaqtarda, magıstraldi temirjol jelilerinde, temirjol vokzaldarynda, avtovokzaldarda, áýejaılarda, metropolıten obektilerinde, buqaralyq jáne jappaı is-sharalar ótetin oryndarda patrýlderdi kúsheıtedi;
• jarylǵysh qurylǵylardy anyqtaý jáne joıý boıynsha terrorıstik turǵydan osal obektilerge jáne adamdar kóp jınalatyn oryndarǵa, buqaralyq jáne jappaı is-sharalarǵa qatysýshylardyń qozǵalýlarynyń negizgi baǵdarlaryna tekserý júrgizedi;
• áýejaılarda, metropolıten obektilerinde, temirjol vokzaldarynda jáne avtovokzaldarda jete tekserý is-sharalaryn ótkizý barysynda arnaıy tehnıka quraldaryn paıdalaný arqyly rejımdik sharalardy kúsheıtedi.

Ulttyq qaýipsizdik komıteti arnaıy memlekettik jáne quqyq qorǵaý organdarynyń jumysyna túsinikpen qaralaýlaryńyzdy jáne olardyń qyzmetkerleriniń zańdy talaptaryn saqtaýdy surady.