الەم جاڭالىقتارى
قازاقستاننىڭ اقش-تاعى ەلشىلىگى ۇندەۋ جاسادى
فوتو: pixabay
ۆاشينگتونداعى قازاقستان ەلشىلىگى دەپورتاتسيا تۋرالى شەشىم شىققان اقش-تاعى وتانداستاردى ايىپپۇلدار مەن باسقا دا سانكتسيالاردان ساقتانۋ ءۇشىن وتانعا ەرىكتى تۇردە قايتۋ مۇمكىندىگىن پايدالانۋعا شاقىردى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
— اقش بيلىگى دەپورتاتسيالاۋ تۋرالى سوت شەشىمىن السا دا, ەلگە قايتپاي جۇرگەن شەتەلدىك ازاماتتارعا «CBP Home» موبيلدى قوسىمشاسىن پايدالانۋ ارقىلى مۇمكىندىگىنشە قىسقا مەرزىمدە ءوز ەركىمەن ەلدەرىنە ورالۋعا شاقىرۋدا ەكەنىنە نازار اۋدارامىز, — دەلىنگەن ەلشىلىك حابارلاماسىندا. «CBP Home» ءموبيلدى قوسىمشاسى ارقىلى ءوز ەلىنە قايتاتىن ازاماتتارعا كەلەسى مۇمكىندىكتەر بەرىلمەك:
— ازاماتتىڭ ءوزى قالاعان رەيسپەن ەرىكتى جانە قاۋىپسىز تۇردە ەلگە ورالۋ مۇمكىندىگى بار; — اقش-تا جۇمىس جاساپ, تاپقان قاراجاتى ازاماتتىڭ وزىندە قالادى; — قۇزىرلى ورگاندار تاراپىنان قاماۋعا الىنبايدى جانە ءماجبۇرلى دەپورتاتسياسىز ءوز ەلىنە ورالادى; — اۋە بيلەتىن ساتىپ الۋعا مۇمكىندىگى جوق ازاماتتارعا قارجىلاي سۋبسيديا الۋ مۇمكىندىگى بەرىلەدى; — بولاشاقتا زاڭدى تۇردە اقش-قا قايتا كەلۋ قۇقىعىنا يە بولادى. ⠀ ءوز ەركىمەن ەلدەرىنە قايتپاعان جاعدايدا تومەندەگى شارالاردى قولدانۋ جوسپارلانىپ وتىر:
— جەدەل تۇردە دەپورتاتسيالاۋ. اقش ىشكى قاۋىپسىزدىك مينيسترلىگىنىڭ (DHS) قىزمەتكەرلەرى ەشبىر دايىندىقسىز, ازاماتتاردى جەدەل تۇردە قاماۋعا الادى; — ايىپپۇلدار مەن سانكتسيالار. ەگەر ازامات دەپورتاتسيا شەشىمى بولا تۇرىپ, ەلىنە قايتپاعان بولسا وعان تاۋلىگىنە 998 اقش دوللار ايىپپۇل سالىنادى. بۇل رەتتە ايىپپۇل سالۋ رەتروسپەكتيۆتى تۇردە, ياعني بەس جىل بۇرىن ەلدەن كەتۋ تۋرالى سوت شەشىمى شىققان ازاماتتاردان وندىرىلەدى (بۇل جاعدايدا ايىپپۇل شامامەن 1 ميلليون دوللارعا دەيىن بارۋى مۇمكىن). ايىپپۇلدى تولەۋ مۇمكىندىگى بولماعان جاعدايدا زاڭسىز جۇرگەن شەتەلدىكتەرگە تيەسىلى جىلجىمايتىن جانە باسقا دا م ۇلىكتەرىن مەملەكەت مەنشىگىنە الۋ ءتاسىلى قاراستىرىلادى. — سونىمەن قاتار, «CBP Home» ارقىلى قايتاتىنىن ءبىلدىرىپ, ەلىنە ورالماعان ازاماتقا 1000-5000 دوللار كولەمىندە قوسىمشا ايىپپۇل سالىنادى; — اقش-قا قايتا كەلۋگە تىيىم سالىنادى. اقش اۋماعىنا زاڭدى تۇردە قايتا كىرۋ قۇقىعىنان كوشى-قون جۇيەسى ارقىلى باس تارتۋ.
— وسىعان وراي, ەلشىلىك جاعىمسىز جاعدايلاردىڭ الدىن الۋ ماقساتىندا قازاقستاندىق ازاماتتاردى اقش بيلىگى ۇسىنىلعان مۇمكىندىكتى پايدالانۋعا شاقىرادى, — دەلىنگەن حابارلامادا.
