قازاقستاننىڭ اسكەري قىزمەتكەرلەرىنىڭ زەينەتاقىسى مەن جالاقىسى كوتەرىلەدى

فوتو: اشىق دەرەككوز

پرەمەر-مينيستر ولجاس بەكتەنوۆ 27 قىركۇيەكتەگى قاۋلىسىندا قۇقىق قورعاۋ ورگاندارى قىزمەتكەرلەرىنە ەڭبەكاقى تولەۋدىڭ جاڭا جۇيەسىنە كوشۋدى قاراستىرعانىن ەسكە سالدى. سوعان سايكەس, قارۋلى كۇشتەر اسكەري قىزمەتشىلەرىنىڭ لاۋازىمدىق جالاقىسى ەكى جىلدا شامامەن 50 پايىزعا دەيىن وسپەك, دەپ حابارلادى qandastar.kz.

ءبىرىنشى كەزەڭدە وتسيفەرلىك قۇرامنىڭ جالاقىسىن ورتاشا ەسەپپەن 20,3 پايىزعا, ال قاتارداعى جاۋىنگەرلەر مەن سەرجانتتاردىڭ جالاقىسىن 33,9 پايىزعا ارتتىرۋ كوزدەلگەن. ەكىنشى كەزەڭدە وفيتسەرلەردىڭ جالاقىسى ورتا ەسەپپەن 23 پايىزعا وسسە, قاتارداعى جاۋىنگەرلەر مەن سەرجانتتاردىڭ جالاقىسى 10 پايىزعا وسپەك.

بۇدان بولەك, اسكەري قىزمەتشىلەرگە الەۋمەتتىك قولداۋ كورسەتۋ ماقساتىندا وزگە دە جەڭىلدىكتەر بەرۋ جوسپارلانىپ وتىر. مىسالى, اسكەري قىزمەتشىلەرگە كوممۋنالدىق قىزمەت ءۇشىن تولەنەتىن ۇستەماقى ەندى وتباسىنىڭ ءاربىر مۇشەسىنە تولەنۋى مۇمكىن. قىزمەتكەرلەردىڭ بىلىكتىلىگىنە قاراي جانە مەملەكەتتىك قۇپيالاردى قۇرايتىن مالىمەتتەرمەن جۇمىس ىستەگەنى ءۇشىن ۇستەماقى بەرىلمەك. سونداي-اق, اسكەري قىزمەتكەرلەر مەن ونىڭ وتباسى مۇشەلەرىنىڭ جىلىنا ءبىر رەت دەمالىس ورنىنا بارىپ-قايتۋ جولاقىسى تەگىن بولادى. ودان بولەك, اسكەري قىزمەتشىلەردىڭ قوعامدىق كولىكتەردە تەگىن ءجۇرۋى ماسەلەلەرى دە پىسىقتالۋدا.

زەينەتكەرلىككە جاڭادان ەندى شىققان اسكەري قىزمەتشىلەرگە ەڭبەك ءوتىلى ءۇشىن تولەنەتىن تولەمدەردى قازىرگى 50-65 پايىزدىڭ ورنىنا 60-75 پايىز مولشەرىندە ۇلعايتۋ ماسەلەسى قاراستىرىلۋدا.