Qazaqstannyń áskerı qyzmetkerleriniń zeınetaqysy men jalaqysy kóteriledi

Foto: ashyq derekkóz

Premer-mınıstr Oljas Bektenov 27 qyrkúıektegi qaýlysynda quqyq qorǵaý organdary qyzmetkerlerine eńbekaqy tóleýdiń jańa júıesine kóshýdi qarastyrǵanyn eske saldy. Soǵan sáıkes, qarýly kúshter áskerı qyzmetshileriniń laýazymdyq jalaqysy eki jylda shamamen 50 paıyzǵa deıin óspek, dep habarlady qandastar.kz.

Birinshi kezeńde oıferlik quramnyń jalaqysyn ortasha eseppen 20,3 paıyzǵa, al qatardaǵy jaýyngerler men serjanttardyń jalaqysyn 33,9 paıyzǵa arttyrý kózdelgen. Ekinshi kezeńde ofıerlerdiń jalaqysy orta eseppen 23 paıyzǵa ósse, qatardaǵy jaýyngerler men serjanttardyń jalaqysy 10 paıyzǵa óspek.

Budan bólek, áskerı qyzmetshilerge áleýmettik qoldaý kórsetý maqsatynda ózge de jeńildikter berý josparlanyp otyr. Mysaly, áskerı qyzmetshilerge kommýnaldyq qyzmet úshin tólenetin ústemaqy endi otbasynyń árbir múshesine tólenýi múmkin. Qyzmetkerlerdiń biliktiligine qaraı jáne memlekettik qupııalardy quraıtyn málimettermen jumys istegeni úshin ústemaqy berilmek. Sondaı-aq, áskerı qyzmetkerler men onyń otbasy músheleriniń jylyna bir ret demalys ornyna baryp-qaıtý jolaqysy tegin bolady. Odan bólek, áskerı qyzmetshilerdiń qoǵamdyq kólikterde tegin júrýi máseleleri de pysyqtalýda.

Zeınetkerlikke jańadan endi shyqqan áskerı qyzmetshilerge eńbek ótili úshin tólenetin tólemderdi qazirgi 50-65 paıyzdyń ornyna 60-75 paıyz mólsherinde ulǵaıtý máselesi qarastyrylýda.