جاڭالىقتار
قازاقستاننىڭ بىرنەشە وبلىسىندا 7-11 ءساۋىر ارالىعىندا سۋ دەڭگەيى كوتەرىلىپ, تاسقىن بولۋ قاۋپى ءتوندى
فوتو:
توتەنشە جاعدايلار مينيسترلىگى قازاقستان بويىنشا 7-11 ساۋىردە اۋا رايى كۇرت وزگەرىپ, سالدارىنان سۋ دەڭگەيى كوتەرىلەتىنىن ەسكەرتتى, دەپ جازدى qandastar.kz
سولتۇستىك قازاقستان وبلىسىنداعى كورنەەۆكا اۋىلىندا ۇلكەن توراڭعىل كولى گيدرولوگيالىق بەكەتىندە سۋ دەڭگەيى تاۋلىك ىشىندە 6 سم كوتەرىلگەن. ساعات 16:00-دەگى جاعداي بويىنشا سۋ دەڭگەيى – 348 سم (قاۋىپتى دەڭگەيى — 365 سم).
stan.kz حابارلاعانداي, ەرىگەن قار جانە بۇيىرلىك اعىنداردىڭ كەلۋىنە بايلانىستى ەسىل وزەنى 8 ساعات ىشىندە 24 سم كوتەرىلدى. ساعات 16:00-دەگى جاعداي بويىنشا سۋ دەڭگەيى – 900 سم. قاۋىپتى دەڭگەي – 940 سم (سۋدىڭ جايىلماعا شىعۋى), 960 سم بولسا, حالىقارالىق ماڭىزى بار 528 كم چەليابى-نوۆوسيبيرسك اۆتوجول اسفالتىنا سۋ شىعادى.
سەرگەەۆ سۋ قويماسى بوگەتىنىڭ قىرىنان اسىپ توگىلۋىنەن جانە ەرىگەن قار اعىنىنىڭ كەلۋىنە بايلانىستى سۋ دەڭگەيى ارتپاق. اقمولا وبلىسىندا بالكاشينو اۋىلىنىڭ جاباي وزەنى 4 ساعات ىشىندە 64 سم كوتەرىلدى. 18:00 بويىنشا سۋ دەڭگەيى – 314 سم (قاۋىپتى دەڭگەي — 520 سم).
ۇلىتاۋ وبلىسىنداعى جەزدى وزەنى جەزدى گيدرولوگيالىق بەكەتىندە سۋ دەڭگەيى قاۋىپتى بەلگىگە جاقىندادى. سۋدىڭ ناقتى دەڭگەيى 08:00-تە – 209 سم. قاۋىپتى دەڭگەي – 240 سم.
اقمولا وبلىسىنداعى:
- جاباي وزەنى گيدرولوگيالىق بەكەتىندە سۋ دەڭگەيى 4 ساعات ىشىندە 13 سم كوتەرىلدى. 16:00 جاعداي بويىنشا سۋ دەڭگەيى – 595 سم (قاۋىپتى دەڭگەي – 710 سم), سۋ نىسانىنىڭ كۇيى – تازا.
- ارشالى وزەنىندە گيدرولوگيالىق بەكەتىندە سۋ دەڭگەيى 4 ساعات ىشىندە 61 سم كوتەرىلدى. 16:00 جاعداي بويىنشا سۋ دەڭگەيى – 988 سم (قاۋىپتى دەڭگەي – 1100 سم).
- قالكۇتان وزەنىندەگى گيدرولوگيالىق بەكەتىندە سۋ دەڭگەيى 4 ساعات ىشىندە 20 سم ارتتى. 16:00 جاعداي بويىنشا سۋ دەڭگەيى – 505 سم (قاۋىپتى دەڭگەي – 630 سم).
ەرىگەن قار جانە بۇيىرلىك اعىندارىنىڭ كەلىپ قوسىلۋىنان, سونداي-اق مۇز كەپتەلىسى قۇبىلىستارىنا بايلانىستى سۋ دەڭگەيى ودان ءارى كوتەرىلىپ, قاۋىپتى دەيگەيدەن اسۋى مۇمكىن.
بوقسىق وزەنى گيدرولوگيالىق بەكەتىندە سۋ دەڭگەيى 4 ساعات ىشىندە 36 سم كوتەرىلگەن.
12:00 جاعداي بويىنشا سۋ دەڭگەيى – 625 سم (قاۋىپتى دەڭگەي – 690 سم), سۋ نىسانىنىڭ كۇيى – بەكەتتەن جوعارى مۇز كەپتەلىسى, مۇزدىڭ سيرەك ءجۇرۋى.
“5-8 ءساۋىر ارالىعىندا ارالىعىندا ۇلكەن جانە كىشى الماتى سۋ الاپتارىندا جىلىمىقتىڭ اسەرىنەن, قار جامىلعىسىنىڭ تۇراقسىزدىعى, جانە قاتتى جاۋىن-شاشىن كۇتىلۋىنە بايلانىستى قار كوشكىنى قاۋپى ساقتالادى. كوشكىن ءجۇرۋ قاۋپى مۇمكىن بولۋىنا بايلانىستى قارلى بەتكەيلەرگە شىعۋ ۇسىنىلمايدى. تاۋدا اباي بولىڭىزدار”, – دەپ مالىمدەدى ۆەدوموستۆو.
5-11 ءساۋىر ارالىعىندا ەسىل وزەنى بويىنداعى ع. مۇسىرەپوۆ, شال اقىن, ەسىل جانە قىزىلجار اۋداندارىندا (سولتۇستىك قازاقستان) سۋ دەڭگەيىنىڭ كوتەرىلۋ قاۋپى بار. سونىڭ سالدارىنان اۆتوجولداردى, ەلدى مەكەندەردى, تۇرعىن جانە شارۋاشىلىق قۇرىلىستاردى سۋ باسۋى مۇمكىن.
5-7 ءساۋىر ارالىعىندا قاتتى جاۋىن-شاشىن بولجامىنا بايلانىستى جامبىل وبلىسىنىڭ تاۋلى جانە تاۋ ەتەگىندەگى ايماقتارىندا بەتكەيلىك اعىننىڭ قالىپتاسۋى جانە وزەندەردە سۋ دەڭگەيىنىڭ كوتەرىلۋى كۇتىلەدى, سونىمەن قاتار سۋدىڭ جايىلۋى مەن سۋ باسۋى مۇمكىن. ەلدى مەكەندەردى, شارۋاشىلىق قۇرىلىستاردى جانە جەرگىلىكتى ماڭىزى بار جولداردى سۋ باسۋ قاۋپى ساقتالادى.
قاراعاندى وبلىسى, ۇلكەن قۇندىزدى وزەنى – كيەۆكادا (نۇرا) گيدرولوگيالىق بەكەتىندە سۋ دەڭگەيى قاۋىپتى بەلگىگە جاقىنداعانى حابارلاندى. سۋدىڭ ناقتى دەڭگەيى – 383 سم. قاۋىپتى دەڭگەي – 450 سم. سۋدىڭ كۇرت كەلۋىنە بايلانىستى سۋ دەڭگەيى ءوسىپ جانە قاۋىپتى بەلگىدەن اسىپ كەتۋى مۇمكىن.
ودان بولەك بىرنەشە وبلىستا قاتتى جاڭبىر جاۋعاننان دا سۋ دەڭگەيى كوتەرىلەدى ەكەن.
اباي مەن شىعىس قازاقستان وبلىسىندا 7-9 ءساۋىر ارالىعىندا تۇنگى جانە كۇندىزگى اۋا تەمپەراتۋراسىنىڭ جوعارىلاۋىنا, سونداي-اق 8 ساۋىردە وبلىستىڭ باسىم بولىگىندە جاۋىن-شاشىن بولجامىنا بايلانىستى قاردىڭ ودان ءارى قارقىندى ەرۋى مەن وزەندەردىڭ مۇزدان تازارۋى جالعاسادى. سالدارىنان وزەندەردەگى سۋ دەڭگەيىنىڭ كوتەرىلۋى كۇتىلەدى.
6-11 ءساۋىر ارالىعىندا قاراعاندى جانە ۇلىتاۋ وبلىستارى بويىنشا كۇندىزگى اۋا تەمپەراتۋراسىنىڭ كۇرت كوتەرىلۋىنە بايلانىستى قار ەرىپ, اۆتوجولداردىڭ, تۇرعىن ەلدى مەكەندەردىڭ جانە شارۋاشىلىق قۇرىلىستاردىڭ سۋلارمەن تولۋ جانە سۋ باسۋ قاۋپى بار.
قاراعاندى وبلىسى, شەرۋباينۇرا وزەنى شوپا گيدرولوگيالىق بەكەتىندە سۋ دەڭگەيى قاۋىپتى بەلگىگە جاقىندادى. سۋدىڭ ناقتى دەڭگەيى – 406 سم. قاۋىپتى دەڭگەيگە 44 سم قالعان.
ودان بولەك 7 ساۋىردە باتىس قازاقستان, اقتوبە, اتىراۋ, قاراعاندى مەن ۇلىتاۋ, تۇركىستان وبلىستارىندا قاتتى جاڭبىر جاۋادى
