Jańalyqtar
Qazaqstannyń birneshe oblysynda 7-11 sáýir aralyǵynda sý deńgeıi kóterilip, tasqyn bolý qaýpi tóndi
Foto:
Tótenshe jaǵdaılar mınıstrligi Qazaqstan boıynsha 7-11 sáýirde aýa raıy kúrt ózgerip, saldarynan sý deńgeıi kóteriletinin eskertti, dep jazdy qandastar.kz
Soltústik Qazaqstan oblysyndaǵy Korneevka aýylynda Úlken Torańǵyl kóli gıdrologııalyq beketinde sý deńgeıi táýlik ishinde 6 sm kóterilgen. Saǵat 16:00-degi jaǵdaı boıynsha sý deńgeıi – 348 sm (qaýipti deńgeıi — 365 sm).
stan.kz habarlaǵandaı, erigen qar jáne búıirlik aǵyndardyń kelýine baılanysty Esil ózeni 8 saǵat ishinde 24 sm kóterildi. Saǵat 16:00-degi jaǵdaı boıynsha sý deńgeıi – 900 sm. Qaýipti deńgeı – 940 sm (sýdyń jaıylmaǵa shyǵýy), 960 sm bolsa, halyqaralyq mańyzy bar 528 km Chelıabi-Novosıbırsk avtojol asfaltyna sý shyǵady.
Sergeev sý qoımasy bógetiniń qyrynan asyp tógilýinen jáne erigen qar aǵynynyń kelýine baılanysty sý deńgeıi artpaq. Aqmola oblysynda Balkashıno aýylynyń Jabaı ózeni 4 saǵat ishinde 64 sm kóterildi. 18:00 boıynsha sý deńgeıi – 314 sm (qaýipti deńgeı — 520 sm).
Ulytaý oblysyndaǵy Jezdi ózeni Jezdi gıdrologııalyq beketinde sý deńgeıi qaýipti belgige jaqyndady. Sýdyń naqty deńgeıi 08:00-te – 209 sm. Qaýipti deńgeı – 240 sm.
Aqmola oblysyndaǵy:
- Jabaı ózeni gıdrologııalyq beketinde sý deńgeıi 4 saǵat ishinde 13 sm kóterildi. 16:00 jaǵdaı boıynsha sý deńgeıi – 595 sm (qaýipti deńgeı – 710 sm), sý nysanynyń kúıi – taza.
- Arshaly ózeninde gıdrologııalyq beketinde sý deńgeıi 4 saǵat ishinde 61 sm kóterildi. 16:00 jaǵdaı boıynsha sý deńgeıi – 988 sm (qaýipti deńgeı – 1100 sm).
- Qalkutan ózenindegi gıdrologııalyq beketinde sý deńgeıi 4 saǵat ishinde 20 sm artty. 16:00 jaǵdaı boıynsha sý deńgeıi – 505 sm (qaýipti deńgeı – 630 sm).
Erigen qar jáne búıirlik aǵyndarynyń kelip qosylýynan, sondaı-aq muz keptelisi qubylystaryna baılanysty sý deńgeıi odan ári kóterilip, qaýipti deıgeıden asýy múmkin.
Boqsyq ózeni gıdrologııalyq beketinde sý deńgeıi 4 saǵat ishinde 36 sm kóterilgen.
12:00 jaǵdaı boıynsha sý deńgeıi – 625 sm (qaýipti deńgeı – 690 sm), sý nysanynyń kúıi – beketten joǵary muz keptelisi, muzdyń sırek júrýi.
“5-8 sáýir aralyǵynda aralyǵynda Úlken jáne Kishi Almaty sý alaptarynda jylymyqtyń áserinen, qar jamylǵysynyń turaqsyzdyǵy, jáne qatty jaýyn-shashyn kútilýine baılanysty qar kóshkini qaýpi saqtalady. Kóshkin júrý qaýpi múmkin bolýyna baılanysty qarly betkeılerge shyǵý usynylmaıdy. Taýda abaı bolyńyzdar”, – dep málimdedi vedomostvo.
5-11 sáýir aralyǵynda Esil ózeni boıyndaǵy Ǵ. Músirepov, Shal aqyn, Esil jáne Qyzyljar aýdandarynda (Soltústik Qazaqstan) sý deńgeıiniń kóterilý qaýpi bar. Sonyń saldarynan avtojoldardy, eldi mekenderdi, turǵyn jáne sharýashylyq qurylystardy sý basýy múmkin.
5-7 sáýir aralyǵynda qatty jaýyn-shashyn boljamyna baılanysty Jambyl oblysynyń taýly jáne taý etegindegi aımaqtarynda betkeılik aǵynnyń qalyptasýy jáne ózenderde sý deńgeıiniń kóterilýi kútiledi, sonymen qatar sýdyń jaıylýy men sý basýy múmkin. Eldi mekenderdi, sharýashylyq qurylystardy jáne jergilikti mańyzy bar joldardy sý basý qaýpi saqtalady.
Qaraǵandy oblysy, Úlken qundyzdy ózeni – Kıevkada (Nura) gıdrologııalyq beketinde sý deńgeıi qaýipti belgige jaqyndaǵany habarlandy. Sýdyń naqty deńgeıi – 383 sm. Qaýipti deńgeı – 450 sm. Sýdyń kúrt kelýine baılanysty sý deńgeıi ósip jáne qaýipti belgiden asyp ketýi múmkin.
Odan bólek birneshe oblysta qatty jańbyr jaýǵannan da sý deńgeıi kóteriledi eken.
Abaı men Shyǵys Qazaqstan oblysynda 7-9 sáýir aralyǵynda túngi jáne kúndizgi aýa temperatýrasynyń joǵarylaýyna, sondaı-aq 8 sáýirde oblystyń basym bóliginde jaýyn-shashyn boljamyna baılanysty qardyń odan ári qarqyndy erýi men ózenderdiń muzdan tazarýy jalǵasady. Saldarynan ózenderdegi sý deńgeıiniń kóterilýi kútiledi.
6-11 sáýir aralyǵynda Qaraǵandy jáne Ulytaý oblystary boıynsha kúndizgi aýa temperatýrasynyń kúrt kóterilýine baılanysty qar erip, avtojoldardyń, turǵyn eldi mekenderdiń jáne sharýashylyq qurylystardyń sýlarmen tolý jáne sý basý qaýpi bar.
Qaraǵandy oblysy, Sherýbaınura ózeni Shopa gıdrologııalyq beketinde sý deńgeıi qaýipti belgige jaqyndady. Sýdyń naqty deńgeıi – 406 sm. Qaýipti deńgeıge 44 sm qalǵan.
Odan bólek 7 sáýirde Batys Qazaqstan, Aqtóbe, Atyraý, Qaraǵandy men Ulytaý, Túrkistan oblystarynda qatty jańbyr jaýady
