Qazaqstannyń birneshe óńirinde azamattardy jumysqa ornalastyrý boıynsha jańa joba iske qosyldy

Foto: Aıkyn.kz

Astana qalasynda júzege asyp jatqan «Jol Tap» jobasy ispetti jumyspen qamtý jobasy elimizdiń birneshe óńirinde qolǵa alyndy, – dep habarlaıdy Aikyn.kz Úkimettiń baspasóz qyzmetine silteme jasap. 

Onyń aıasynda memlekettik qoldaý sharalary boıynsha konsýltaııalar júrgiziledi, sondaı-aq tegin qysqa merzimdi oqytý kýrstary usynylady jáne jumyssyzdar nemese ýaqytsha jumyspen qamtylǵan azamattar jumysqa ornalastyrylady. Jobanyń negizgi ereksheligi – mamandar azamattardyń kelýin kútpeı, kerisinshe, saýda ortalyqtary sekildi adam kóp júretin jerlerge shyǵyp, keńes beredi. Bul baǵytta óńirlerde atqarylyp jatqan sharalar QR Premer-Mınıstriniń orynbasary Tamara Dúısenovanyń tóraǵalyǵymen ótken keńeste talqylandy.

Qaraǵandy oblysynda joba 25 maýsymnan bastap júzege asýda. 4 keńes berý pýnkti ashyldy. 3-eýi oblys ortalyǵynda, 1-i Temirtaý qalasynda ornalasqan. Munda arnaıy oqytylǵan 8 maman qyzmet kórsetedi.

«Joba sheńberinde 15 maýsymda komıýnıtı-ortalyq ashyldy. Munda jastar úshin dybys jáne podakst jazý stýdııalary jumys isteıtin bolady. Iaǵnı, olarǵa kreatıvti ónim shyǵarýǵa qatysty trenıngter uıymdastyrylyp, daǵdylardy ıgerýge múmkindik beriledi. Biz, sondaı-aq, kómekke júgingen azamattarǵa 5 kolledj bazasynda qysqa merzimdi oqý kýrstaryn usynyp otyrmyz. 1 tamyzdan bastap, meńgeretin mamandyqtardyń kúrdeliligine qaraı uzaqtyǵy 5-30 kún aralyǵyndaǵy kýrstar uıymdastyrylady. Sońynda sertıfıkat tabystalyp, jumysqa ornalastyrylady», – dedi oblys ákiminiń orynbasary Ermek Alpysov.

Sonymen qatar óńirde 60-50-50 nómirli baılanys ortalyǵy da jumys isteýde. Qoldanýshylar yńǵaılylyǵy úshin Telegram-arna iske qosyldy.

Almaty jobasy aıasynda qurylǵan Telegram-bot ózindik aqparattyq júıe ispetti. Munda jazǵan azamatqa birden bos jumys oryndary men tegin onlaın-kýrstar tizbesi usynylady. Ol úshin bot «jasalmaty.kz» jastar portalymen ıntegraııalanǵan. Qyzmetter azamattarǵa proaktıvti rejımde usynylady.

«Biz Astanada júzege asyp jatqan “Jol Tap” negizinde jumys isteýdi uıǵardyq. Alaıda, Almaty erekshelikterin eskere otyryp, birqatar talapty ózgerttik. Qaladaǵy 8 komıýnıtı-ortalyqta keńes berý núkteleri ashyldy. Oǵan qosymsha iri saýda ortalyqtary ishinen 3 pýnkt uıymdastyryldy. Jobany tolyǵymen 1 shildeden bastap júzege asyrýǵa daıynbyz», – dedi qalalyq jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.

Shymkentte joba 25 mamyrdan bastap júzege asyrylyp jatyr. Osy ýaqyt aralyǵynda 10 keńes berý pýnktinde 183 azamat túsindirý jumystarymen qamtyldy. Qala ákiminiń orynbasary Sársen Quranbektiń sózinshe, olardyń birazy áleýmettik kómek alýshylar tizimine tirkelse, endi biri turǵyn úı kezegine qoıyldy. Birqatar azamat kásiptik oqytý sharalarymen qamtyldy.

Aqtóbe oblysynda joba arqyly jumysqa ornalastyrýdyń 2 nusqasy júzege asyrylmaq. Oblystyń jastar saıasaty basqarmasynyń basshysy Mırhan Ermaǵanbetovtiń sózinshe, búginde óńirdegi shaǵyn jáne orta bıznes ókilderimen kelissózder júrgizilgen. Nátıjesinde 40 kásipker jobaǵa qatysýshylar úshin sheberlik saǵattaryn ótkizip, keıin olardy jumysqa ornalastyrýǵa kelisken.

«Sondaı-aq biz ındýstrıaldy damý basqarmasy arqyly ónerkásip oryndaryndaǵy vakansııalardy usynbaqpyz. Qazirgi tańda aldyn ala kelisim bar. Bul rette eńbek mobıldiligi ortalyǵynyń múmkindikterin paıdalaný kózdelip otyr», – dedi Mırhan Ermaǵanbetov.

О́ńirde joba 15 shildeden bastap júzege asyrylmaq. Onyń sheńberinde oblys ortalyǵynyń halyq kóp shoǵyrlanǵan aýmaqtarynda 5 modýldi pýnkt ornatý qarastyrylǵan.

«Joba ár óńirdiń óz erekshelikterine qaraı júzege asyrylyp keledi. Degenmen, oń tájirıbelermen ózara almasý qajet dep oılaımyn. Eń negizgi maqsat – azamattardy jumyspen qamtý. Bul rette barlyq múmkindikterdi paıdalanýymyz kerek», – dep atap ótti Tamara Dúısenova.