جاڭالىقتار
«قازاقستاننىڭ حالىق ءارتىسى»: الىشەر كارىموۆ قۋانىشىن جاسىرا المادى
ءانشى الىشەر كاريموۆ پرەزيدەنت قاسىم-جومارت توقاەۆتىڭ قولىنان العان ماراپاتى تۋرالى ايتىپ, تىڭدارماندارىنا شەكسىز العىسىن جەتكىزدى, دەپ حابارلايدى Qandastar.kz اقپارات پورتالى.
ەسترادا جۇلدىزى كەشە ءوزى ءۇشىن تاريحي كۇن بولعانىن اتاپ ءوتتى.
«ماعان «قازاقستاننىڭ حالىق ءارتىسى اتاعى بەرىلدى! وسى جوعارى ماراپاتتى پرەزيدەنتىمىزدىڭ قولىنان الۋ مەن ءۇشىن ۇلكەن مارتەبە. بۇل ماراپات, مەنى قولداعان بارشا تىڭدارمانىمنىڭ جانە جاناشىرىمنىڭ ارقاسى دەپ بىلەمىن. سىزدەرگە شىن جۇرەكتەن العىس ايتامىن!» — دەپ جازدى ءانشى Instagram جەلىسىندەگى پاراقشاسىندا.
جەلى قولدانۋشىلارى ءانشى قۇتتىقتاپ, ماراپاتقا لايىق ەكەنىن جازىپ, جىلى لەبىزدەرىن قالدىرعان.
ايتا كەتەيىك, 20 مامىردا پرەزيدەنت جارلىعىمەن ۇلتتىق مادەنيەتتى دامىتۋعا جانە ناسيحاتتاۋعا قوسقان ايرىقشا ۇلەسى, مادەنيەت سالاسىنداعى اسا ۇزدىك جەتىستىكتەرى جانە قازاقستان رەسپۋبليكاسىنا سىڭىرگەن ەڭبەگى ءۇشىن ءبىر توپ ازامات مەملەكەتتىك ناگرادالارمەن ماراپاتتالدى.
