«Qazaqstannyń halyq ártisi»: Álisher Kárimov qýanyshyn jasyra almady

Ánshi Álisher Karımov prezıdent Qasym-Jomart Toqaevtyń qolynan alǵan marapaty týraly aıtyp, tyńdarmandaryna sheksiz alǵysyn jetkizdi, dep habarlaıdy Qandastar.kz aqparat portaly.

Estrada juldyzy keshe ózi úshin tarıhı kún bolǵanyn atap ótti.

«Maǵan «Qazaqstannyń halyq ártisi ataǵy berildi! Osy joǵary marapatty prezıdentimizdiń qolynan alý men úshin úlken mártebe. Bul marapat, meni qoldaǵan barsha tyńdarmanymnyń jáne janashyrymnyń arqasy dep bilemin. Sizderge shyn júrekten alǵys aıtamyn!» — dep jazdy ánshi Instagram jelisindegi paraqshasynda.

Jeli qoldanýshylary ánshi quttyqtap, marapatqa laıyq ekenin jazyp, jyly lebizderin qaldyrǵan.

Aıta keteıik, 20 mamyrda prezıdent jarlyǵymen ulttyq mádenıetti damytýǵa jáne nasıhattaýǵa qosqan aıryqsha úlesi, mádenıet salasyndaǵy asa úzdik jetistikteri jáne Qazaqstan Respýblıkasyna sińirgen eńbegi úshin bir top azamat memlekettik nagradalarmen marapattaldy.