الەم جاڭالىقتارى
قازاقستاننىڭ يزرايلدەگى ەلشىلىگى قر ازاماتتارىنا شۇعىل ۇندەۋ جاريالادى
«يزرايلدەگى بارلىق قازاقستان ازاماتتارىنا تىل قولباسشىلىعىنىڭ نۇسقاۋلارىن ساقتاۋعا, قاۋىپسىزدىك شارالارىن بارىنشا كۇشەيتۋدى, ساقتىق پەن قىراعىلىق تانىتۋدى, سوڭعى جاڭالىقتاردى قاداعالاۋدى, سونداي-اق قازاقستان ەلشىلىگىمەن بايلانىستا بولۋدى سۇرايدى»,- دەپ مالىمدەدى ۆەدومستۆو.
سونداي-اق, يزرايلدەگى قازاقستان ازاماتتارى ءۇشىن جەدەل جەلى تەلەفون نومىرلەرى اشىق.
قازاقستاننىڭ يزرايلدەگى ەلشىلىگىنىڭ بايلانىس نومىرلەرى:
- +972 (3) 503 78 85 (كەزەكشى)
- +972 53 635 19 83 (ۇيالى تەلەفون, WhatsApp)
- +972 55 273 38 13 (ۇيالى تەلەفون, WhatsApp)
- +7 700 111 31 96 (WhatsApp)
2025 جىلعى 13 ماۋسىمعا قاراعان ءتۇنى ءيزرايلدىڭ اسكەري-اۋە كۇشتەرى (ااك) يرانعا سوققى جاسادى. يزرايل ەلدە توتەنشە جاعداي جاريالاپ, اۋە كەڭىستىگىن جاپتى. بۇعان قوسا, يزرايل قورعانىس ارمياسى (تساحال) يراننىڭ يادرولىق باعدارلاماسىنا باعىتتالعان «حالىق — ارىستان» اتتى ارنايى وپەراتسيا باستالعانىن راستادى.
كەيىنىرەك بەلگىلى بولعانداي, شابۋىل كەزىندە يران يسلام رەۆوليۋتسياسى ساقشىلار كورپۋسىنىڭ (كسير) باس شتابىنىڭ باستىعى حوسسەين سالامي مەن يسلامدىق ازاد ۋنيۆەرسيتەتىنىڭ پرەزيدەنتى موحامماد تەحرانچي قازا تاپتى. يران اسكەري وكىلى ءيزرايلدىڭ اۋە شابۋىلدارىنا تەگەران قاتاڭ جاۋاپ قايتاراتىنىن مالىمدەدى.
