Álem jańalyqtary

Qazaqstannyń Izraıldegi elshiligi QR azamattaryna shuǵyl úndeý jarııalady

13.06.2025

0 46

Foto:

Taıaý Shyǵystaǵy jaǵdaıdyń ushyǵýyna baılanysty Qazaqstannyń Izraıldegi elshiligi Izraıldegi qazaqstandyqtarǵa mańyzdy aqparatpen júgindi, dep habarlaıdy qandastar.kz Zakon.kz-ke silteme jasap. Shuǵyl habarlama búgin, 2025 jylǵy 13 maýsymda taratyldy.

«Izraıldegi barlyq Qazaqstan azamattaryna Tyl qolbasshylyǵynyń nusqaýlaryn saqtaýǵa, qaýipsizdik sharalaryn barynsha kúsheıtýdi, saqtyq pen qyraǵylyq tanytýdy, sońǵy jańalyqtardy qadaǵalaýdy, sondaı-aq Qazaqstan Elshiligimen baılanysta bolýdy suraıdy»,- dep málimdedi vedomstvo.

Sondaı-aq, Izraıldegi Qazaqstan azamattary úshin jedel jeli telefon nómirleri ashyq.

Qazaqstannyń Izraıldegi Elshiliginiń baılanys nómirleri:

+972 (3) 503 78 85 (kezekshi)
+972 53 635 19 83 (uıaly telefon, WhatsApp)
+972 55 273 38 13 (uıaly telefon, WhatsApp)
+7 700 111 31 96 (WhatsApp)

2025 jylǵy 13 maýsymǵa qaraǵan túni Izraıldiń Áskerı-áýe kúshteri (ÁÁK) Iranǵa soqqy jasady. Izraıl elde tótenshe jaǵdaı jarııalap, áýe keńistigin japty. Buǵan qosa, Izraıl Qorǵanys armııasy (AHAL) Irannyń ıadrolyq baǵdarlamasyna baǵyttalǵan «Halyq — arystan» atty arnaıy operaııa bastalǵanyn rastady.

Keıinirek belgili bolǵandaı, shabýyl kezinde Iran Islam revolıýııasy saqshylar korpýsynyń (KSIR) Bas shtabynyń bastyǵy Hosseın Salamı men Islamdyq Azad ýnıversıtetiniń prezıdenti Mohammad Tehranchı qaza tapty. Iran áskerı ókili Izraıldiń áýe shabýyldaryna Tegeran qatań jaýap qaıtaratynyn málimdedi.

Ilmekter