جاڭالىقتار
قازاقستاننىڭ قارىزى كوبەيدى
قازاقستاننىڭ مەملەكەتتىك جانە مەملەكەت كەپىلدىك بەرگەن جالپى قارىزى 33,8 ترلن تەڭگەگە جەتتى, دەپ جازادى qandastar.kz سايتى قارجى مينيسترلىگىنە سىلتەمە جاساپ.
قارىزدىڭ باسىم بولىگى, ياعني, 30,5 ترلن تەڭگەسى ۇكىمەتتىڭ قارىزى. ونىڭ 22,5 ترلن تەڭگەسى ىشكى نارىقتان الىنسا, 8 ترلن تەڭگەسى سىرتقى قارىز ەسەبىندە.
سىرتقى قارىزداردىڭ جارتىسىنا جۋىعىن ەۋرووبليگاتسيالار قۇرايدى (4,2 ترلن تەڭگە). سونىمەن قاتار قازاقستاننىڭ حالىقارالىق قايتا قۇرۋ جانە دامۋ بانكىنە, ازيا دامۋ بانكىنە, ازيا ينفراقۇرىلىمدىق ينۆەستيتسيالار بانكىنە جانە رەسەي نارىعىنا شىعارىلعان باعالى قاعازدار بويىنشا قارىزى بار.
2025 جىلدىڭ ءبىرىنشى توقسانىندا قارىزدى وتەۋ مەن قىزمەت كورسەتۋگە ارنالعان شىعىن 982 ملرد تەڭگەگە جەتتى. وسىنىڭ اسەرىنەن بيۋدجەتتىڭ ءبىراز بولىگى قىسقارۋدا
