Qazaqstannyń Reseıdegi elshiligi azamattarǵa úndeý jasady

Foto: ashyq derekkóz

Reseıde elge kirý jáne shyǵý kezinde shetel azamattarynan jáne azamattyǵy joq adamdardan bıometrııalyq deregin jınaý boıynsha eksperımenttik joba bastaldy. Osyǵan baılanysty Qazaqstannyń Reseıdegi elshiligi azamattarǵa úndeý jasady, dep jazdy qandastar.kz

Elshiliktiń málimetine súıensek, eksperımenttiń birinshi kezeńinde, 2024 jylǵy 1 jeltoqsannan 2025 jylǵy 30 maýsymǵa deıin Máskeý qalasynyń halyqaralyq áýejaılaryna (Domodedovo, Sheremetevo, Vnýkovo jáne Jýkovskıı), sondaı-aq Orynbor oblysyndaǵy «Mashtakovo» avtomobıl ótkizý pýnkti arqyly elge kiretin Qazaqstan azamattary bıometrııalyq derekterin – bet beınesi men saýsaq izderin tapsyrýǵa mindetti.

Ekinshi kezeńde, 2025 jyldyń 30 maýsymynan 2026 jyldyń 30 maýsymyna deıin joba Reseıdiń memlekettik shekarasyndaǵy barlyq ótkizý pýnktterin qamtıdy. Bul kezeńde elge kirýshi árbir sheteldiktiń ıfrlyq beıini qalyptastyrylatyn bolady.

«Bul rette mundaı beıindi RuID qosymshasy arqyly óz betinshe qurýǵa bolady. Ol basqa memleketterdiń azamattary úshin memlekettik qyzmetterdiń analogy bolady jáne sapar týraly habarlaýǵa, sondaı-aq Reseı aýmaǵynda ártúrli memlekettik qyzmetterdi alýǵa múmkindik beredi (mysaly, medıınalyq saqtandyrýdy rásimdeý). ıfrlyq beıin birqatar memlekettik júıege, onyń ishinde memlekettik kórsetiletin qyzmetter júıesine engiziledi. Shekaradan ótý pýnktterindegi qosymsha tártipterge aldyn ala daıyn bolýdy usynamyz», – delingen habarlamada.

Atalǵan joba talaptarynan:

• Reseıde akkredıttelgen dıplomatııalyq ókildikter men halyqaralyq uıymdardyń qyzmetkerleri jáne olardyń otbasy músheleri;
• dıplomatııalyq jáne qyzmettik pasporttardyń ıeleri;
• 6 jasqa deıingi balalar bosatylady.