قازاقستاننىڭ سالىق جۇيەسى 2026 جىلدان باستاپ قالاي وزگەرەدى – توقاەۆ جاڭا سالىق كودەكسىنە قول قويدى

ەندى سالىق ەسەپتىلىگىنىڭ كولەمى 30% قىسقارادى, سالىقتاردىڭ سانى 20% ازايادى, جەڭىلدىكتەر مەن الىمدار وڭتايلاندىرىلادى.

“ەلەۋلى وزگەرىستەر كورپوراتيۆتىك جانە جەكە تابىس سالىقتارىنان باستاپ ينۆەستيتسيالاردى ىنتالاندىرۋ جانە سالىق جۇكتەمەسىن قايتا ءبولۋ سەكىلدى بارلىق نەگىزگى باعىتتى قامتيدى. قوسىلعان قۇن سالىعىنىڭ جاڭا بازالىق مولشەرلەمەسى 16% بولىپ بەكىتىلدى. ءدارى-دارمەك پەن مەديتسينالىق قىزمەتتەرگە تومەندەتىلگەن ققس مولشەرلەمەسى بەلگىلەندى: 2026 جىلدان – 5%, 2027 جىلدان – 10%”, – دەپ حابارلادى اقوردا.

بۇل رەتتە كەلەسى شارالار ققس-تان بوساتىلادى:

1. تەگىن مەديتسينالىق كومەكتىڭ كەپىلدىك بەرىلگەن كولەمى (تمككك);
2. مىندەتتى الەۋمەتتىك مەديتسينالىق ساقتاندىرۋ ء(مامس) اياسىنداعى قىزمەتتەر;
3. ۇكىمەت ايقىندايتىن تىزبە بويىنشا ورفاندىق جانە الەۋمەتتىك ءمانى بار اۋرۋلاردى ەمدەۋ;
4. باسپا تۇرىندەگى كىتاپ شىعارۋ;
5. ارحەولوگيالىق جۇمىس جۇرگىزۋ قىزمەتتەرى.

“مەرزىمدى باسپا باسىلىمداردى وتكىزۋ بويىنشا 10% دەڭگەيىندە تومەندەتىلگەن ققس مولشەرلەمەسى بەلگىلەنەدى. ققس بويىنشا مىندەتتى ەسەپكە قويۋ ءۇشىن اينالىمنىڭ تومەنگى شەگى 10 مىڭ ايلىق ەسەپتىك كورسەتكىشكە (40 ميلليون تەڭگە) دەيىن تومەندەتىلەدى. بىرىڭعاي زەينەتاقى جيناقتاۋشى قورىنان (بزجق) تولەنەتىن زەينەتاقى تولەمدەرى جەكە تابىس سالىعىنان (جتس) بوساتىلادى. پايدالانىلۋ مەرزىمى 10 جىلدان جوعارى اۆتوموبيلدەر ءۇشىن كولىك قۇرالى سالىعى تومەندەتىلدى. مۇگەدەكتىگى بار ادامدارعا الەۋمەتتىك سالىقتىق شەگەرىمدەر 882-دەن 5000 اەك-كە دەيىن ۇلعايتىلدى”, – دەلىنگەن حابارلامادا.

سالىقتاردىڭ سانى ازايدى: بىرىڭعاي جەر سالىعى قىسقارتىلدى, جەكە تولەماقىلار بويىنشا مولشەرلەمەلەر مەن الىمداردىڭ سانى كەمىتىلدى.

ارناۋلى سالىق رەجيمدەرى وڭتايلاندىرىلدى. ەندى ولار ءۇش جاعدايدا قولدانىلادى: ءوزىن-ءوزى جۇمىسپەن قامتىعاندار ءۇشىن, وڭايلاتىلعان دەكلاراتسيا نەگىزىندە جانە شارۋا قوجالىقتارى ءۇشىن.

ءوزىن-ءوزى جۇمىسپەن قامتىعاندار تولەمدەردى موبيلدىك قوسىمشا ارقىلى ەسەپتەپ, تولەي الادى.

كورپوراتيۆتىك تابىس سالىعى 20% دەڭگەيىندە ساقتالادى.

الايدا سارالانعان سالىقتىق مولشەرلەمە ەنگىزىلەدى. اتاپ ايتقاندا, بانكتەر (بيزنەس سۋبەكتىلەرىن كرەديتتەۋدى قوسپاعاندا) مەن ويىن بيزنەسى ءۇشىن – 25%. الەۋمەتتىك سالا ۇيىمدارى ءۇشىن 2026 جىلى 5% مولشەرىندە بەلگىلەنىپ, 2027 جىلى 10%-عا دەيىن ۇلعايادى. اۋىل شارۋاشىلىعى تاۋارىن وندىرۋشىلەرگە 3% جەڭىلدەتىلگەن مولشەرلەمە قالادى.

“قور نارىعىن ىنتالاندىرۋ ءۇشىن بيرجالىق قۇندى قاعازدارعا تولەنەتىن ديۆيدەنتتەرگە سالىق جەڭىلدىكتەرى سول كۇيى ساقتالادى. «بايتەرەك» حولدينگى شىعارعان قۇندى قاعازداردان تۇسەتىن كىرىس 2031 جىلعا دەيىن كتس-تەن بوساتىلادى. پايدالى قازبالاردى وڭدەۋ مەن گەولوگيالىق بارلاۋ سالاسى ءۇشىن قوسىمشا پرەفەرەنتسيالار قاراستىرىلعان. اتاپ ايتقاندا, تيىمدىلىگى تومەن جاڭا ۋچاسكەلەر 5 جىلعا پايدالى قازبالاردى ءوندىرۋ سالىعىنان بوساتىلادى”, – دەلىنگەن حابارلامادا.

جەكە تابىس سالىعىنىڭ پروگرەسسيۆتى مولشەرلەمەسى ەنگىزىلەدى.

جىلدىق جالپى تابىسى 8500 ايلىق ەسەپتىك كورسەتكىشتەن اساتىن ازاماتتارعا 15% سالىق مولشەرلەمەسى قولدانىلادى. سول سياقتى ديۆيدەنتتەرى مەن تابىس كولەمى جىلىنا 230 مىڭ اەك-تەن اساتىن كاسىپكەرلەر وسىنداي مولشەردە سالىق تولەيدى. ال فەرمەرلەردىڭ وسى مەجەدەن اساتىن تابىسىنا بۇرىننان ساقتالعان 70% جەڭىلدىكتى ەسەپكە الا وتىرىپ, 4,5% سالىق سالىنادى.

مىنا قىمبات ونىمدەر ءۇشىن جەكە تۇلعالارعا سالىق سالىنادى:

1. قۇنى 75 ميلليون تەڭگەدەن اساتىن اۆتوكولىكتەرگە;
2. قۇنى 100 ميلليون تەڭگەدەن اساتىن كەمەلەرگە;
3. ءار ءليترىنىڭ قۇنى 500 مىڭ تەڭگەدەناساتىن الكوگولگە;
4. ءار داناسىنىڭ قۇنى 10 مىڭ تەڭگەدەن اساتىن تەمەكى ونىمدەرىنە 10 پايىز اكتسيز تۇرىندە سالىق سالىنادى.

سونىمەن قاتار جالپى قۇنى 450 ميلليون تەڭگەدەن اساتىن جىلجىمايتىن م ۇلىكنىساندارىنا م ۇلىك سالىعى جوعارىلايدى.

“سالىقتىق اكىمشىلەندىرۋ تاسىلدەرى ايتارلىقتاي وزگەرەدى. كامەرالدىق باقىلاۋ ەسكەرتۋ سيپاتىندا بولادى. سالىقتىق بەرەشەكتى ءوندىرىپ الۋ, تولەمدى كەيىنگە قالدىرۋ جانە ءبولىپ تولەۋ مۇمكىندىگىن بەرۋ پروتسەدۋرالارى جەڭىلدەتىلەدى. سالىق بەرەشەگى از بولسا, بيزنەستىڭ ەسەپشوتتارى بۇعاتتالمايدى. قارىز سوماسىنا قاراي ەسكەرتۋ جانە باسقا دا شارالار كەزەڭ-كەزەڭىمەن قولدانىلادى”, – دەپ جازدى اقوردا.

كودەكس 2026 جىلعى 1 قاڭتاردان باستاپ كۇشىنە ەنەدى.