Qazaqstannyń salyq júıesi 2026 jyldan bastap qalaı ózgeredi – Toqaev jańa Salyq kodeksine qol qoıdy

Endi salyq eseptiliginiń kólemi 30% qysqarady, salyqtardyń sany 20% azaıady, jeńildikter men alymdar ońtaılandyrylady.

“Eleýli ózgerister korporatıvtik jáne jeke tabys salyqtarynan bastap ınvestıııalardy yntalandyrý jáne salyq júktemesin qaıta bólý sekildi barlyq negizgi baǵytty qamtıdy. Qosylǵan qun salyǵynyń jańa bazalyq mólsherlemesi 16% bolyp bekitildi. Dári-dármek pen medıınalyq qyzmetterge tómendetilgen QQS mólsherlemesi belgilendi: 2026 jyldan – 5%, 2027 jyldan – 10%”, – dep habarlady Aqorda.

Bul rette kelesi sharalar QQS-tan bosatylady:

1. Tegin medıınalyq kómektiń kepildik berilgen kólemi (TMKKK);
2. Mindetti áleýmettik medıınalyq saqtandyrý (MÁMS) aıasyndaǵy qyzmetter;
3. Úkimet aıqyndaıtyn tizbe boıynsha orfandyq jáne áleýmettik máni bar aýrýlardy emdeý;
4. Baspa túrindegi kitap shyǵarý;
5. Arheologııalyq jumys júrgizý qyzmetteri.

“Merzimdi baspa basylymdardy ótkizý boıynsha 10% deńgeıinde tómendetilgen QQS mólsherlemesi belgilenedi. QQS boıynsha mindetti esepke qoıý úshin aınalymnyń tómengi shegi 10 myń aılyq eseptik kórsetkishke (40 mıllıon teńge) deıin tómendetiledi. Biryńǵaı zeınetaqy jınaqtaýshy qorynan (BZJQ) tólenetin zeınetaqy tólemderi jeke tabys salyǵynan (JTS) bosatylady. Paıdalanylý merzimi 10 jyldan joǵary avtomobılder úshin kólik quraly salyǵy tómendetildi. Múgedektigi bar adamdarǵa áleýmettik salyqtyq shegerimder 882-den 5000 AEK-ke deıin ulǵaıtyldy”, – delingen habarlamada.

Salyqtardyń sany azaıdy: biryńǵaı jer salyǵy qysqartyldy, jeke tólemaqylar boıynsha mólsherlemeler men alymdardyń sany kemitildi.

Arnaýly salyq rejımderi ońtaılandyryldy. Endi olar úsh jaǵdaıda qoldanylady: ózin-ózi jumyspen qamtyǵandar úshin, ońaılatylǵan deklaraııa negizinde jáne sharýa qojalyqtary úshin.

О́zin-ózi jumyspen qamtyǵandar tólemderdi mobıldik qosymsha arqyly eseptep, tóleı alady.

Korporatıvtik tabys salyǵy 20% deńgeıinde saqtalady.

Alaıda saralanǵan salyqtyq mólsherleme engiziledi. Atap aıtqanda, bankter (bıznes sýbektilerin kredıtteýdi qospaǵanda) men oıyn bıznesi úshin – 25%. Áleýmettik sala uıymdary úshin 2026 jyly 5% mólsherinde belgilenip, 2027 jyly 10%-ǵa deıin ulǵaıady. Aýyl sharýashylyǵy taýaryn óndirýshilerge 3% jeńildetilgen mólsherleme qalady.

“Qor naryǵyn yntalandyrý úshin bırjalyq qundy qaǵazdarǵa tólenetin dıvıdentterge salyq jeńildikteri sol kúıi saqtalady. «Báıterek» holdıngi shyǵarǵan qundy qaǵazdardan túsetin kiris 2031 jylǵa deıin KTS-ten bosatylady. Paıdaly qazbalardy óńdeý men geologııalyq barlaý salasy úshin qosymsha preferenııalar qarastyrylǵan. Atap aıtqanda, tıimdiligi tómen jańa ýchaskeler 5 jylǵa paıdaly qazbalardy óndirý salyǵynan bosatylady”, – delingen habarlamada.

Jeke tabys salyǵynyń progressıvti mólsherlemesi engiziledi.

Jyldyq jalpy tabysy 8500 aılyq eseptik kórsetkishten asatyn azamattarǵa 15% salyq mólsherlemesi qoldanylady. Sol sııaqty dıvıdentteri men tabys kólemi jylyna 230 myń AEK-ten asatyn kásipkerler osyndaı mólsherde salyq tóleıdi. Al fermerlerdiń osy mejeden asatyn tabysyna burynnan saqtalǵan 70% jeńildikti esepke ala otyryp, 4,5% salyq salynady.

Myna qymbat ónimder úshin jeke tulǵalarǵa salyq salynady:

1. Quny 75 mıllıon teńgeden asatyn avtokólikterge;
2. Quny 100 mıllıon teńgeden asatyn kemelerge;
3. Ár lıtriniń quny 500 myń teńgedenasatyn alkogolge;
4. Ár danasynyń quny 10 myń teńgeden asatyn temeki ónimderine 10 paıyz akız túrinde salyq salynady.

Sonymen qatar jalpy quny 450 mıllıon teńgeden asatyn jyljymaıtyn múliknysandaryna múlik salyǵy joǵarylaıdy.

“Salyqtyq ákimshilendirý tásilderi aıtarlyqtaı ózgeredi. Kameraldyq baqylaý eskertý sıpatynda bolady. Salyqtyq bereshekti óndirip alý, tólemdi keıinge qaldyrý jáne bólip tóleý múmkindigin berý proedýralary jeńildetiledi. Salyq bereshegi az bolsa, bıznestiń esepshottary buǵattalmaıdy. Qaryz somasyna qaraı eskertý jáne basqa da sharalar kezeń-kezeńimen qoldanylady”, – dep jazdy Aqorda.

Kodeks 2026 jylǵy 1 qańtardan bastap kúshine enedi.