Qazaqstannyń syrtqy qaryzy qansha?

Foto: canva.com

2024 jyldyń basynan bastap syrtqy qaryz tólem balansynyń operaııalary esebinen 2,7 mlrd dollarǵa, al qundyq, baǵamdyq jáne basqa da ózgerister esebinen 0,3 mlrd dollarǵa ulǵaıǵan.

2024 jylǵy 1 shildedegi jaǵdaı boıynsha, Qazaqstan Respýblıkasynyń syrtqy qaryzy 166,7 mlrd dollarǵa jetken, dep habarlaıdy  qandastar.kz Skifnews.kz aqparat portalyna silteme jasap.

Ulttyq banktiń málimetinshe, bul kórsetkish 2024 jyldyń basynan beri 3,0 mlrd dollarǵa ósken.

2024 jyldyń basynan bastap syrtqy qaryz tólem balansynyń operaııalary esebinen 2,7 mlrd dollarǵa, al qundyq, baǵamdyq jáne basqa da ózgerister esebinen 0,3 mlrd dollarǵa ulǵaıǵan.

«Qazaqstannyń syrtqy qaryzynyń 87,5%-y – uzaq merzimdi syrtqy qaryzǵa tıesili. Bul bir jaǵynan ótimdilik táýekelderin azaıtsa, ekinshi jaǵynan qaryzdy óteý men qyzmet kórsetýge naryqtyq jaǵdaılardyń ózgerýiniń yqpalyn kúsheıtedi. Qaryzdyń qarjylyq quraldar túrleri boıynsha qurylymynda rezıdent emesterden alynǵan nesıeler men qaryzdar basymdyqqa ıe (73,9%), al rezıdent emester qolyndaǵy boryshtyq baǵaly qaǵazdar 8,0%-dy qamtıdy», – delingen Ulttyq bank habarlamasynda.