مادەنيەت
قازاقستاننىڭ تانىمال تۇلعالارى جايلى كورمە وتەدى
فوتو: اشىق دەرەككوز
20 جەلتوقساندا, ساعات 12:00-دە الماتى قالاسىنداعى قازاقستان رەسپۋبليكاسى مەملەكەتتىك ورتالىق مۋزەيىندە «XXI عاسىر كوشباسشىلارى جانە قازاقستاننىڭ تانىمال تۇلعالارى. بىرلەسكەن شىعارماشىلىق» كورمەسىنىڭ اشىلۋى وتەدى, دەپ جازدى qandastar.kz
جوبا «تۋعان جەر», «ءبىز بىرگەمىز» جانە «جاڭا قازاقستان» مەملەكەتتىك باعدارلامالارىنىڭ نەگىزگى باعىتتارى اياسىندا جۇزەگە اسىرىلۋدا.
عالامدانۋ, مادەني جانە الەۋمەتتىك وزگەرىستەر جاعدايىندا ۇلتتىق بىرەگەيلىكتى ساقتاۋ – مادەني كودتى, مۇرانى جانە قوعامداعى ۇيلەسىمدىلىكتى ساقتاۋدىڭ ماڭىزدى فاكتورى. بۇل – رۋحاني جانە مادەني ساباقتاستىقتى قامتاماسىز ەتەتىن نەگىز. ول ءبىزدىڭ مادەنيەتىمىزدى جانە ۇلتتىق سانامىزدى قالىپتاستىراتىن قۇندىلىقتاردى جاس ۇرپاققا جەتكىزۋگە مۇمكىندىك بەرەدى.
«ءبىزدىڭ جەرىمىز – ۇلتتىق بىرلىكتىڭ باستى نەگىزدەرىنىڭ ءبىرى» جانە ءبىزدىڭ مىندەتىمىز – جاستاردىڭ ساناسىن وياتىپ, ولاردىڭ ءپاتريوتيزمىن, كوشباسشىلىق قاسيەتتەرى مەن الەۋەتىن دامىتۋ. بۇل ماقساتقا قازاقستاننىڭ ۇلتتىق تاريحىن, مادەنيەتى مەن ونەرىن دامىتۋعا ۇلەس قوسقان بەلگىلى تۇلعالاردىڭ جەتىستىكتەرى ارقىلى قول جەتكىزۋگە بولادى.
جوباعا قاتىسۋشىلار قاتارىندا بيبىگۇل تولەگەنوۆا, ولجاس سۇلەيمەنوۆ, ءاسانالى ءاشىموۆ, روزا رىمباەۆا جانە باسقا دا تانىمال تۇلعالار بار. ولاردىڭ ءومىر جولى مەن ەڭبەكتەرى جاستارعا ءوز ىسىندە تابىسقا جەتۋدىڭ ۇلگىسى رەتىندە كورسەتىلىپ, ولاردىڭ كاسىبي جەتىستىكتەرىنىڭ نەگىزىندە قانداي ادامگەرشىلىك قۇندىلىقتار جاتقانىن تۇسىندىرەدى.
«XXI عاسىر كوشباسشىلارى جانە قازاقستاننىڭ تانىمال تۇلعالارى. بىرلەسكەن شىعارماشىلىق» كورمەسىنىڭ ماقساتى – كەلۋشىلەردى ەلىمىزدىڭ تانىمال تۇلعالارىنىڭ ءومىرى مەن شىعارماشىلىعىمەن تانىستىرۋ, ولاردىڭ جەتىستىكتەرى مەن تابىستارىن سۋرەتشىلەر مەن تانىمال ادامداردىڭ بىرلەسكەن ەڭبەگى ارقىلى كورسەتۋ. بۇل كورمە ولاردىڭ شىعارماشىلىعى مەن ەرەن ەڭبەگىنىڭ ەلىمىزدىڭ دامۋى ءۇشىن ماڭىزدىلىعىن كورسەتىپ, ولاردىڭ ەسىمدەرىنىڭ ماڭگىلىككە ەل جادىندا ساقتالاتىنىن دالەلدەيدى.
سۋرەتشىلەر ادام بەينەسى ارقىلى فيلوسوفيانى, يدەيانى, ىشكى جان-دۇنيەنى, ەموتسيالار مەن وقيعالاردى جەتكىزەدى. مۇنىڭ ءبارى كەسكىندەمە تۋىندىسىنا اينالادى.
بۇل جوبا جاستاردى شابىتتاندىرىپ, ۇلتتىق قۇندىلىقتار مەن داستۇرلەرگە باۋلۋعا, ولاردىڭ ساناسى مەن قيالىن وياتىپ, ونەرگە قىزىعۋشىلىقتارىن ارتتىرۋعا باعىتتالعان.
قازاقستاننىڭ تانىمال تۇلعالارى مەن سۋرەتشىلەردىڭ بىرلەسىپ جاساعان ونەر تۋىندىلارى ەلىمىزدىڭ تاۋەلسىزدىك جىلدارىنداعى جەتىستىكتەرىنىڭ جىلناماسىن بەينەلەيدى.
جوباعا قوعام قايراتكەرلەرى, ەلىمىزدىڭ تانىمال تۇلعالارى, سۋرەتشىلەر جانە شەتەلدىك قوناقتار قاتىستى. ولاردىڭ قاتارىندا: اقمارال قۇسايىنوۆا, بولات حامزين, مەرەكە نۇرلان, ميحايل ۆەدەرنيكوۆ, ۆيتالي ۆەدەرنيكوۆ, ابدۋسامات كاريموۆ, گۇزال ايراتوۆنا, ميحايل كوروبكوۆ جانە ت.ب بار.
كورمەدە 100-دەن استام تانىمال تۇلعانىڭ قاتىسۋىمەن جاسالعان 150-دەن استام ونەر تۋىندىسى ۇسىنىلادى. ولار:
- ءاسانالى ءاشىموۆ 20. سەكەن تۇرىسبەكوۆ
- ماقپال ءجۇنىسوۆا 21. ەرمەك كارىمجان ۇلى تۇرسىنوۆ
- بيبىگۇل تولەگەنوۆا 22. مۇرات مۇقتار ۇلى اۋەزوۆ
- روزا رىمباەۆا 23. يبرايموۆ ەرماحان ساعي ۇلى
- ارمانجان بايتاسوۆ 24. مەلس حامزا ۇلى ەلەۋسىزوۆ
- سماعۇل ەلۋباەۆ 25. تاۋەكەل ءمۇسلىم
- جان بايجانباەۆ 26. ايبەك نۇعىماروۆ
- ولجاس ومار ۇلى سۇلەيمەنوۆ 27. سىرىمبەك تاۋ
- لاكي كونستانتينوۆيچ كەسوگلۋ 28. وركەن كەنجەبەك
- بيسەنعاليەۆ مارات سامەت ۇلى 29. قانات يسلام
- بەيسەن قۇرانبەك 30. دۋلات يسابەكوۆ
- يليا الەكساندروۆيچ يلين 31. مۋحتار شاحانوۆ
- تورەگەلدى شارمانوۆ 32. التىنبەك قورازباەۆ
- ۇلىقبەك ەسداۋلەت 33. رۇستەم جانىامانوۆ
- جانسەيىت تۇيمەباەۆ 34. رينات زايىتوۆ
- اسىلى وسمان 35. باحتيار ارتاەۆ
- ءابدىجاميل نۇرپەيىسوۆ 36. روزا القوجا
- مۇرات جۇرىن ۇلى جۇرىنوۆ 37. دوسىمجان تاڭاتاروۆ
- بولات ايۋحانوۆ عازيز ۇلى 38. قايرات زاكاريانوۆ
- التىناي نوگەربەك 40. بيبىگۇل ءنۇسىپجانوۆا
