Qazaqstannyń tanymal tulǵalary jaıly kórme ótedi

Foto: ashyq derekkóz

20 jeltoqsanda, saǵat 12:00-de Almaty qalasyndaǵy Qazaqstan Respýblıkasy Memlekettik ortalyq mýzeıinde «XXI ǵasyr kóshbasshylary jáne Qazaqstannyń tanymal tulǵalary. Birlesken shyǵarmashylyq» kórmesiniń ashylýy ótedi, dep jazdy qandastar.kz

Joba «Týǵan jer», «Biz birgemiz» jáne «Jańa Qazaqstan» memlekettik baǵdarlamalarynyń negizgi baǵyttary aıasynda júzege asyrylýda.

Ǵalamdaný, mádenı jáne áleýmettik ózgerister jaǵdaıynda ulttyq biregeılikti saqtaý – mádenı kodty, murany jáne qoǵamdaǵy úılesimdilikti saqtaýdyń mańyzdy faktory. Bul – rýhanı jáne mádenı sabaqtastyqty qamtamasyz etetin negiz. Ol bizdiń mádenıetimizdi jáne ulttyq sanamyzdy qalyptastyratyn qundylyqtardy jas urpaqqa jetkizýge múmkindik beredi.

«Bizdiń jerimiz – ulttyq birliktiń basty negizderiniń biri»  jáne bizdiń mindetimiz – jastardyń sanasyn oıatyp, olardyń patrıotızmin, kóshbasshylyq qasıetteri men áleýetin damytý. Bul maqsatqa Qazaqstannyń ulttyq tarıhyn, mádenıeti men ónerin damytýǵa úles qosqan belgili tulǵalardyń jetistikteri arqyly qol jetkizýge bolady.

Jobaǵa qatysýshylar qatarynda Bıbigúl Tólegenova, Oljas Súleımenov, Asanáli Áshimov, Roza Rymbaeva jáne basqa da tanymal tulǵalar bar. Olardyń ómir joly men eńbekteri jastarǵa óz isinde tabysqa jetýdiń úlgisi retinde kórsetilip, olardyń kásibı jetistikteriniń negizinde qandaı adamgershilik qundylyqtar jatqanyn túsindiredi.

«XXI ǵasyr kóshbasshylary jáne Qazaqstannyń tanymal tulǵalary. Birlesken shyǵarmashylyq» kórmesiniń maqsaty – kelýshilerdi elimizdiń tanymal tulǵalarynyń ómiri men shyǵarmashylyǵymen tanystyrý, olardyń jetistikteri men tabystaryn sýretshiler men tanymal adamdardyń birlesken eńbegi arqyly kórsetý. Bul kórme olardyń shyǵarmashylyǵy men eren eńbeginiń elimizdiń damýy úshin mańyzdylyǵyn kórsetip, olardyń esimderiniń máńgilikke el jadynda saqtalatynyn dáleldeıdi.

Sýretshiler adam beınesi arqyly fılosofııany, ıdeıany, ishki jan-dúnıeni, emoııalar men oqıǵalardy jetkizedi. Munyń bári keskindeme týyndysyna aınalady.

Bul joba jastardy shabyttandyryp, ulttyq qundylyqtar men dástúrlerge baýlýǵa, olardyń sanasy men qııalyn oıatyp, ónerge qyzyǵýshylyqtaryn arttyrýǵa baǵyttalǵan.

Qazaqstannyń tanymal tulǵalary men sýretshilerdiń birlesip jasaǵan óner týyndylary elimizdiń táýelsizdik jyldaryndaǵy jetistikteriniń jylnamasyn beıneleıdi.

Jobaǵa qoǵam qaıratkerleri, elimizdiń tanymal tulǵalary, sýretshiler jáne sheteldik qonaqtar qatysty. Olardyń qatarynda: Aqmaral Qusaıynova, Bolat Hamzın, Mereke Nurlan, Mıhaıl Vedernıkov, Vıtalıı Vedernıkov, Abdýsamat Karımov, Gúzál Aıratovna, Mıhaıl Korobkov jáne t.b bar.

Kórmede 100-den astam tanymal tulǵanyń qatysýymen jasalǵan 150-den astam óner týyndysy usynylady. Olar:

1. Asanáli Áshimov     20. Seken Turysbekov
2. Maqpal Júnisova    21. Ermek Kárimjanuly Tursynov
3. Bıbigúl Tólegenova    22. Murat Muqtaruly Áýezov
4. Roza Rymbaeva 23. Ibraımov Ermahan Saǵıuly
5. Armanjan Baıtasov 24. Mels Hamzauly Eleýsizov
6. Smaǵul Elýbaev 25. Taýekel Múslim
7. Jan Baıjanbaev 26. Aıbek Nuǵymarov
8. Oljas Omaruly Súleımenov 27. Syrymbek Taý
9. Lakı Konstantınovıch Kesoglý 28. О́rken Kenjebek
10. Bısenǵalıev Marat Sametuly 29. Qanat Islam
11. Beısen Quranbek                               30. Dýlat Isabekov
12. Ilıa Aleksandrovıch Ilın 31. Mýhtar Shahanov
13. Tóregeldi Sharmanov 32. Altynbek Qorazbaev
14. Ulyqbek Esdáýlet 33. Rústem Janyamanov
15. Janseıit Túımebaev 34. Rınat Zaıytov
16. Asyly Osman 35. Bahtııar Artaev
17. Ábdijamıl Nurpeıisov    36. Roza Álqoja
18. Murat Jurynuly Jurynov 37. Dosymjan Tańatarov
19. Bolat Aıýhanov Ǵazızuly 38. Qaırat Zakarıanov
20. Altynaı Nógerbek 40. Bıbigúl Núsipjanova