قازاقستاننىڭ توتەنشە جاعدايلار مينيسترلىگى تىكۇشاقتاردى رەسەيدەن ساتىپ الۋى مۇمكىن

ول ازىرگە جەتى تىكۇشاق ساتىپ الىناتىنىن اتاپ ءوتتى.

«تىكۇشاققا كەلسەك, قازىر ءۇش مي-8 امت جانە ءتورت ك-32 ساتىپ الۋ ماسەلەسىن قاراستىرىپ جاتىرمىز. ولار ليزينكە الىنادى, بۇعان حالىقارالىق كومپانيالار تارتىلعان. قازىر 405-ءشى زاۋىتتا  (الماتىداعى اۆياجوندەۋ زاۋىتى) جۇمىس كوپ, جاقىن ارادا جەتكىزۋ مەرزىمى تىم ۇزاق. سول سەبەپتى بۇل حالىقارالىق جەتكىزۋشى بولۋى مۇمكىن», — دەدى ءارىنوۆ ۇكىمەتتە وتكەن بريفينگتە.

وسى ورايدا جۋرناليست «رەسەيلىك جەتكىزۋشى بولۋى مۇمكىن بە?» دەگەن سۇراققا مينيستر «ءيا, مۇمكىن» دەپ جاۋاپ بەردى.

«ءدال قازىر بىزگە جەتى تىكۇشاقتىڭ ءوزى جەتكىلىكتى. بىراق جاعداي وزگەرىپ جاتىر. ءبىز جاز بويى ءورت قاۋپى كەزەڭىنە بايلانىستى كۇشتەر مەن قۇرالداردى ءبىر جەردەن ەكىنشى جەرگە جونەلتىپ وتىردىق. سول كەزدە تەحنيكا جەتىسپەيتىنىن انىق كوردىك. جالپى جىلدام ارەكەت ەتىپ, تەز شەشىم قابىلداۋ ءۇشىن 20 ءوڭىردى اۆياتسيالىق وتريادتارمەن جاساقتاساق جاقسى بولار ەدى», —  دەيدى ۆەدومستۆو باسشىسى.

بۇعان دەيىن قازاقستاننىڭ تج مينيسترلىگى قۇتقارۋ وپەراتسيالارى ءۇشىن 11 جاڭا تىكۇشاق ساتىپ الاتىنى حابارلانعان. بۇل ءۇشىن بيۋدجەتتەن 25 ملرد تەڭگەگە جۋىق قاراجات بولىنەتىنى ايتىلعان ەدى.