قازاقستاننىڭ تۇركياداعى ەلشىلىگى مالىمدەمە جاسادى

فوتو: اشىق دەرەككوز

قازاقستاننىڭ تۇركياداعى ەلشىلىگى قازاقستاندىقتارعا دەمونستراتسيالار مەن ميتينگىلەرگە قاتىسۋدان اۋلاق بولۋدى ەسكەرتتى, دەپ جازدى qandastar.kz

قالىپتاسقان جاعدايعا بايلانىستى حالىق كوپ جينالاتىن ورىندارعا بارماۋعا, شەرۋلەر مەن ميتينگىلەرگە قاتىسۋدان باس تارتۋعا, قاۋىپسىزدىك شارالارىن كۇشەيتۋگە شاقىرامىز. سونداي-اق قىراعىلىق تانىتىپ, رەسمي جاڭالىقتاردى قاداعالاپ, بيلىك نۇسقاۋلىقتارىن ورىنداۋ ماڭىزدى. قازاقستان رەسپۋبليكاسىنىڭ تۇركياداعى ديپلوماتيالىق وكىلدىكتەرىمەن بايلانىستا بولۋدى سۇرايمىز, — دەلىنگەن ەلشىلىك حابارلاماسىندا.

سونىمەن قاتار ەلشىلىك قازاقستاندىقتاردى الەۋمەتتىك جەلىلەردە دەمونستراتسيالار مەن ميتينگىلەر تۋرالى اقپارات تاراتۋدان, سونداي-اق اعىمداعى وقيعالارعا قاتىستى جەكە پىكىر بىلدىرۋدەن باس تارتۋعا شاقىردى.

قازاقستاننىڭ تۇركياداعى شەتەلدىك وكىلدىكتەرىنىڭ جەدەل جەلى تەلەفوندارى:

1. قازاقستان رەسپۋبليكاسىنىڭ انكاراداعى ەلشىلىگى: +905352734496

2. قازاقستان رەسپۋبليكاسىنىڭ ىستانبۇلداعى باس كونسۋلدىعى: +905012621465

3. قازاقستان رەسپۋبليكاسىنىڭ انتالياداعى باس كونسۋلدىعى: +905394400522

4. قازاقستان رەسپۋبليكاسىنىڭ يزميردەگى باس كونسۋلدىعى: +905530998789