قازاقستاننىڭ ءۇش وبلىسىندا جۇمىسشى ماماندىقتار اراسىندا ERG Skills جارىسى وتۋدە

داستۇرگە اينالعان ERG Skills چەمپيوناتى قايتا جاستاردىڭ تالاپتارى مەن كاسىبي بىلىكتىلىگىن تەكسەرەدى. بۇل قازاقستان كوللەدجدەرىنىڭ اليانسىنا ەنگەن وقۋ ورىندارى اراسىنداعى كاسىبي شەبەرلىك بايقاۋى. ول دانەكەرلەۋ تەحنولوگياسى, سلەسارلىق ءىس, توكارلىق ءىس, ونەركاسىپتىك اۆتوماتيكا جانە ەلەكتر مونتاجداۋ بەس قۇزىرەت بويىنشا ءوتىپ, جۇمىسشى ماماندىقتاردىڭ 130-دەن استام وكىلىن جينايدى. 

بيىلعى جىلى كاسىپتىك شەبەرلىك كونكۋرسىنا كوللەدجدەر اليانسى مەن ERG قۇرامىنا كىرگەن ەلىمىزدىڭ ءۇش وبلىسىنىڭ وكىلدەرى قاتىسادى. سونىڭ ىشىندە رۋدنىي تاۋ-كەن تەحنولوگيالىق كوللەدجى. وسى ىنتىماقتاستىقتىڭ ارقاسىندا ستۋدەنتتەر وقۋدى وندىرىستەگى جۇمىسپەن ۇيلەستىرە الادى. مۇنداي بايقاۋلار ولاردىڭ داعدىلارىن شىڭدايدى – دەيدى كوللەدج ديرەكتورى.

– 2022 جىلى ERG جۇمىسشى ماماندىقتاردى دايىندايتىن كوللەدجدەرمەن اليانس قۇرعان بولاتىن. الدىندا 14 وقۋ ورنى بولسا, قازىر بۇل تىزىمگە ەڭگەندەردىڭ سانى 20-عا جەتتى. قوستاناي وبلىسىنان قاتىسۋشىلار از ەمەس. ولار: جەتىقارا, ليساكوۆسك, رۋدنىي ستۋدەنتتەرى مەن 23 جاسقا تولماعان ERG Service پەن كبكب جاس ماماندارى. ءبىزدىڭ كوللەدجدىڭ قابىرعاسىندا توكارلىق ءىس, ەلەكتر مونتاجداۋ بويىنشا جاستار سىنالادى, – دەدى رۋدنىي تاۋ-كەن تەحنولوگيالىق كوللەدجىنىڭ ديرەكتورى قايسار قانەشوۆ.

ءبىزدىڭ ءتۇسىرىلىم توبى بۇگىن توكارلاردى كورۋگە اسىقتى. جالپى 4 قاتىسۋشى تىركەلگەن. ونىڭ ەكەۋى جاستارى نەبارى 18-گە ەندى تولعان 2 كۋرس ستۋدەنتتەرى. شەبەرلىك دودا 26-27 ماۋسىم ارالىعىندا وتپەكشى. وندىرىستىك وقىتۋ شەبەرى يۋري گيززاتوۆتىڭ ايتۋىنشا سايىس باستالماس بۇرىن قاتىسۋشىلار كەسۋ قۇرالىن قايرايدى, جابدىقتى باپتايدى جانە جۇمىس سىزبالارىن زەردەلەيدى.

– ءبىزدىڭ بازادا العاش رەت وسىنداي جارىس وتۋدە. ۇلگەرىمى جاقسى جانە جۇمىسقا جاۋاپكەرشىلىكپەن قارايتىن ەكى ستۋدەنت تاڭدالدى. بايقاۋدا ءۇش جۇمىس ءتۇرىن ورىنداۋعا 2 كۇن بولىنگەن. بۇل: فۋتەرلەۋ گايكاسى, م42ح2 گايكاسى جانە ¾ قۇبىرلارىنىڭ G شپيلكاسى بولادى. ستۋدەنتتەر قاتتى تولقىعان سياقتى, بىراق ءبىز ءبىرىنشى ورىندى الامىز دەپ سەنەمىن. ارينە, بۇل سالادا 5 رازرياد بار جاس ماماندارعا قاراعاندا, ءبىزدىڭ تاجىريبەسى از ستۋدەنتتەر ءسال باياۋ ورىندايدى, – دەيدى جەتەكشى گيززاتوۆ.

ERG Skills قاتىسۋشىلارى سوڭعى ساتكە دەيىن الدارىنا قانداي تاپسىرما قوياتىنىن بىلمەدى. كوللەدج ستۋدەنتتەرى مەن جاس قىزمەتكەرلەر تاپسىرمادان بولەك, قاۋىپسىزدىك تەحنيكاسىن ساقتاۋ ءتيىس. ونى قاداعالايتىن ارنايى ERG ساراپشىلارى شاقىرىلعان. ايتا كەتۋ كەرەك, بايقاۋ دەمەۋشىلەرىنىڭ باستى ماقساتتارىنىڭ ءبىرى – بولاشاق مامانداردى كورۋ. بۇگىنگى تاڭدا كاسىپورىنعا رۋدنىي تاۋ-كەن تەحنولوگيالىق كوللەدجىنىڭ 80 پايىزدان استام تۇلەكتەرى جۇمىسقا ورنالاسقان. بۇعان دالەل, قاتىسۋشىلاردىڭ ءبىرى وسى كوللەدجدىڭ بۇرىنعى ستۋدەنتى بولىپ شىقتى. كاسىپورىندا ول ءبىر جىلدان استام ۋاقىت جۇمىس ىستەيدى. ەكىنشى قاتىسۋشى ارتەم كوچەۋلوۆ كبكب قۇرامىنا كىرەتىن «قازاقستان ءاليۋمينيى» اق-دا 3 جىل قاتارىنان ەڭبەكتەنەدى.

– سايىس تىنىش ءوتىپ, ەشكىم كەدەرگى جاساماۋدا. بىرنەشە مينۋتتان كەيىن گايكانى اياقتايمىن. بارلىق ءۇش جۇمىستى بۇگىن ورىنداپ, ەرتەڭگە دەيىن قالدىرماۋعا نيەتتىمىن. بۇداندا قيىن ەلەمەنتەردى كۇندەلىكتى جۇمىستا ورىندايمىز. ءبىز دە ستۋدەنتتەرمەن قۇرداسپىز. جاستارعا ۇمتىلۋدى, دامۋدى, مانساپتىق ءوسۋدى تىلەيمىن, – دەيدى تاجىربيەلى جاس مامان.

شەبەرحانانىڭ بۇرىشىندا كوك ۋنيفورما كيگەن جاس جىگىتكە جاقىندادىق. ول فۋتەرلەۋ گايكاسىن جاساپ, تەسىك بۇرعىلاۋمەن اينالىسىپ جاتىر.

– كونكۋرستا ءوزىمدى سىناپ كورۋگە بەل بۋدىم. بۇعان دەيىن كاسىبي شەبەرلىككە دە قاتىسقام, بىراق ول جەردە 1-2 كۋرستار جارىسادى. ال مۇندا تاجىريبەلى قىزمەتكەرلەرمەن بەتپە-بەت كەزدەسۋ. بايقاۋدىڭ الدىندا شامامەن 2 اپتا بويى سحەمالاردى, جابدىقتاردى, پارامەترلەردى جانە ت.ب. زەرتتەدىم. مەن كۇردەلى بولشەكتەن باستاپ, بىرتىندەپ جەڭىلگە كوشۋدى شەشتىم. ارينە, 1 ورىن العىم كەلەدى, – دەدى 2 كۋرس ستۋدەنتى دەنيس پوگوفونوۆ ءوز سوزىندە.

ERG Skills پاۆلودار, قوستاناي جانە اقتوبە وبلىستارىندا وتۋدە. بايقاۋ قورىتىندىسى بويىنشا ۇزدىك جەڭىمپازدار قىتاي حالىق رەسپۋبليكاسىندا شەتەلدىك تاعىلىمدامادان وتەدى.

ءسانيا ساقتاعان