جاڭالىقتار
قازاقستاننىڭ ءۇش وڭىرىندە ءدىني ەكسترەميستىك ۇيىمنىڭ مۇشەلەرى ۇستالدى
17 ساۋىردە ۇقك ءىىم-مەن ءوزارا ارەكەتتەسە, پروكۋراتۋرا ورگاندارىنىڭ ۇيلەستىرۋىمەن الماتى قالاسىندا, الماتى جانە جامبىل وبلىستارىندا قازاقستاننىڭ 4 ازاماتىن ۇستادى.
ولار رەسپۋبليكا اۋماعىندا تىيىم سالىنعان ءدىني ەكسترەميستىك ۇيىمنىڭ ارەكەتىنە قاتىستى جانە ۇيىمداستىردى دەپ ايىپتالىپ وتىر.
تۇرعىلىقتى جەرىن تىنتىگەندە كوپتەگەن ءدىني ادەبيەتتەر مەن باسقا دا زاتتاي دالەلدەمە الىنعان.
«قىلمىستىق كودەكستىڭ 405-بابى بويىنشا سوتقا دەيىنگى تەرگەۋ ءجۇرىپ جاتىر. اتاپ وتەتىن جايت, ۇستالعان ادامداردىڭ ەكەۋى بۇعان دەيىن وسىنداي قىلمىس جاساعانى ءۇشىن سوتتى بولعان. ۇستالعاندارعا قاتىستى بۇلتارتپاۋ شاراسىن سوت شەشەدى» دەلىنگەن كوميتەت حابارلاماسىندا.
