Qazaqstannyń úsh óńirinde dinı ekstremıstik uıymnyń músheleri ustaldy

17 sáýirde UQK IIM-men ózara árekettese, prokýratýra organdarynyń úılestirýimen Almaty qalasynda, Almaty jáne Jambyl oblystarynda Qazaqstannyń 4 azamatyn ustady.

Olar respýblıka aýmaǵynda tyıym salynǵan dinı ekstremıstik uıymnyń áreketine qatysty jáne uıymdastyrdy dep aıyptalyp otyr.

Turǵylyqty jerin tintigende kóptegen dinı ádebıetter men basqa da zattaı dáleldeme alynǵan.

«Qylmystyq kodekstiń 405-baby boıynsha sotqa deıingi tergeý júrip jatyr. Atap ótetin jaıt, ustalǵan adamdardyń ekeýi buǵan deıin osyndaı qylmys jasaǵany úshin sotty bolǵan. Ustalǵandarǵa qatysty bultartpaý sharasyn sot sheshedi» delingen komıtet habarlamasynda.