قازاقتاندىق ءانشى اندرەا بوچەلليمەن ءبىر ساحنادا ونەر كورسەتتى

 پومپەيدەگى امفيتەاتردا اتاقتى تەنور اندرەا بوچەلليدىڭ كونتسەرتى ءوتتى. كونتسەرت «Andrea Bocelli Live in Concert» اتتى گاسترولدىك تۋر اياسىندا جۇرگىزىلگەن, دەپ جازدى qandastar.kz

اندرەا بوچەلليدىڭ كونتسەرتتەرىندە ءداستۇرلى تۇردە الەمگە ايگىلى ارتىستەر ونەر كورسەتەدى. يتاليالىق ماەسترو وسى جولى قازاقستاننىڭ وپەرا ءانشىسى ايگەرىم التىنبەكپەن ءبىر ساحناعا شىعىپ, دۋەت ورىندادى.

بۇل كەش كورەرمەنگە ەرەكشە اسەر سىيلادى. ونەرسۇيەر قاۋىم ءۇشىن ۇمىتىلماس وقيعا بولدى.

ايتا كەتەيىك, 25 ماۋسىمدا ايگەرىم التىنبەك استانادا الەمگە تانىمال تەنور حوسە كاررەراسپەن دە ءبىر ساحنادا ونەر كورسەتكەن ەدى.

ونەرپازداردىڭ كاسىبي شەبەرلىگى مەن زور داۋىسى سول كەشتە دە كورەرمەندى بەي-جاي قالدىرمادى.