«Qazaqtar aıý sekildi»: Jýrnalıst Qazaqstandaǵy qymbatshylyqty sóz etti

Qazaqstan sııaqty ózinde eshnárse óndirmeıtin elderde turatyn adamdardyń ómir sapasy eńbek ónimdiligine baılanysty emes. Bul týraly jýrnalıst ári baspager Shyńǵys Muqan jelide pikir bildirdi, dep habarlaıdy qandastar.kz Skifnews.kz aqparat portalyna silteme jasap.

Onyń paıymdaýynsha, dollardyń turaqsyzdyǵy el ekonomıkasyna áser etip jatyr.

«Qazaqtar aıý sekildi… Dollar ketti domalap… Keıde osy valıýtasy turaqty elde turǵyń keledi. Nege?

1) Seniń ómir sapań dollarǵa emes, eńbek ónimdiligińe baılanysty bolady:

A) Buryn 100 myń teńgege úsh kıim alsań, endi eki kıim alasyń;

Á) Buryn tórt dári alsań, qazir úsheýin alasyń;

B) Buryn teledıdardy bólip tóleý shartymen 12 aıǵa alsań, endi 18 aıǵa alasyń. Osylaı kete beredi, sebebi Qazaqstan sııaqty ózinde eshnárse óndirmeıtin elderde turatyn adamdardyń ómir sapasy eńbek ónimdiligine baılanysty emes.

2) Aılyǵyń azaıyp qalady:

A) Buryn 250 myń teńge aılyq birazǵa jetetin sııaqty edi, qazir jetpeıdi. Aılyǵyń azaıyp qalǵan joq, teńgeń qunsyzdanyp, zattar qymbattap ketti;

Á) Tipti Qazaqstanda shyǵatyn azyq-túlik te qymbattap ketedi.

Bıdaı oratyn tehnıka shetten keledi, bıdaıdy un etip, makaron shyǵarsa, óńdeıtin qural-jabdyqtyń bári shetelden valıýtamen keledi. Eń sońynda, ózińdi aıý sııaqty sezinesiń. Jazymen júgirip ań aýlap, biraz maı jınap alasyń. Bir uıyqtap tursań, túgiń qalmaıdy, aryp-ashyp, kúnińdi áreń kórip júresiń nemese qolǵa úıretilgen atjalman sekildi. Shyǵyrshyqta qansha júgirseń de, aýzyńa tıetini bir ýys bıdaı. Sondyqtaı da oılaısyń, adam ómirge bir-aq ret keledi, atjalman sııaqty bosqa júgirip ótkizgenshe, valıýtasy turaqty elde — turaqty tabys taýyp júrgen jaqsy emes pe? Olaı isteý jalpy halyqtyń qolynan kelmeıdi. Jalpy halyq ne istemek?

P.S. Álemge kommýnızm men kapıtalızm degen ıdeıa berip, adamzatty jyndy qylyp qoıǵan nemistiń eki ulysy — Marks pen Enegls. Berlınde. Byltyr barǵanymda ádeıi izdep baryp, sýretke tústim», – dep jazdy ol Facebook-tegi paraqshasynda.