«Qazaqtyń 70 paıyz sózi arabtiki»: Synǵa ushyraǵan ımam sózderine túsinikteme berdi

Foto: vıdeodan skrın

Áleýmettik jelide tanymal ımam Qabylbek Álipbaıulynyń qazaq tili men arab tiline qatysty aıtqan sózi qyzý talqyǵa túskeni belgili. Kópshilik ımamnyń qandaı maǵynada aıtpaq bolǵanyn túsinbegeni anyq. Vıdeoda ımam arab tili qazaq tilin buzbaǵanyn, qaıta qazaq tilindegi sózdiń 70 paıyzy arab tilinen engenin aıtqan bolatyn. Búgin belgili ustaz kópshiliktiń aldyna shyǵyp, sózdiń durys maǵynasyn túsindirdi, dep habarlaıdy qandastar.kz Skifnews.kz aqparat portalyna silteme jasap.

Imamnyń aıtýynsha, qazaq tiline arab tilinen qulshylyqqa qatysty sózder ǵana engen.

«Assalaýmaǵaleıkúm, qazaq eli. Qazir saparlatyp júr edim. Biraq mynaý áleýmettik jelide qazaq tiliniń 70% sózi arabtardan kirgen degen másele talqylanyp jatqanyp kórip jatyrmyn. Ony qoldap, durys maǵynada túsinýge shaqyryp jatqan kisilerge Alla razy bolsyn. Jalpy ol jerde men qazaq tilinde arab tilinen engen kirme sózderdiń bar ekenin aıttym. Sonyń ishinde dinı bilimimiz ben qulshylyq jasaýymyzǵa qatysty sózdiń 70%-y arabtan engenin aıttym. Ol jerde men osy týraly meńzegen edim. Jalpylama qazaq tiliniń leksıkasyna qatysty másele emes. Bizdiń qazaq tiliniń baı til ekeni belgili. Ony maqtanyp aıtyp júremiz. Mysaly, ustaz, meshit, medrese sekildi arabtyń sózderi qulshylyq jasaýǵa qatysty kirme sóz qataryna engenin aıttym. Namaz degen sóz parsy tilinen engen. Sol sekildi qulshylyqqa qatysty keı sózder túrik tilinen de engen. Osylaısha qulshylyqta qoldanyp júrgen sózimizdiń 70%-y arab tilinen engenin aıttym. Qurmetti qazaq eli, sony durys túsinýge tyrysamyn. Olaı sózdi burmalamaýǵa shaqyramyn. Bizdiń qazaq tili – óte baı til», – dedi ustaz Qabylbek Álipbaıuly.