«قازارناۋلىەكسپورتتىڭ» ەكس-ديرەكتورى اسكەري ماقساتتاعى ونىمدەردى ساتىپ الۋعا بولىنگەن قارجىنى جىمقىردى دەگەن ايىپپەن 11 جىلعا سوتتالدى

فوتو: ارمان رامازانوۆتىڭ Facebook پاراقشاسىنان

قارجى مونيتورينگى اگەنتتىگى استانادا مەملەكەتتىك قورعانىس تاپسىرىسى سالاسىنداعى قاراجات جىمقىرۋ دەرەگى بويىنشا رەزونانستىق ءىستى قاراۋ اياقتالعانىن مالىمدەدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

اگەنتتىك 2023 جىلى قارجى مونيتورينگى اگەنتتىگى «قازارناۋلىەكسپورت» رمك-نىڭ لاۋازىمدى تۇلعالارى مەن تەرىس پيعىلدى جەتكىزۋشىلەر ۇستالعانىن ەسكە سالدى. لاۋازىمدى تۇلعالارعا اسكەري ماقساتتاعى ونىمدەردى ساتىپ الۋعا بولىنگەن بيۋدجەت قاراجاتىن جىمقىردى جانە سىبايلاس جەمقورلىق دەرەكتەرى بويىنشا ايىپ تاعىلعان.

«مەملەكەتكە كەلتىرىلگەن زالال 1,6 ملرد تەڭگەدەن استى. سوت ۇكىمىمەن  «قازارناۋلىەكسپورت» رمك باس ديرەكتورى رامازانوۆ ا.ك. 11 جىلعا باس بوستاندىعىنان ايىرىلدى, ال كاسىپورىننىڭ دەپارتامەنت ديرەكتورى كۋداباەۆ ا.ت. 10 جىلعا سوتتالدى. قالعان 9 ايىپتالۋشى دا ءارتۇرلى مەرزىمگە باس بوستاندىعىنان ايىرىلدى.

سونىمەن قاتار سوت مەملەكەت پايداسىنا 1,6 ملرد تەڭگە كولەمىندەگى ازاماتتىق تالاپ-ارىزدى قاناعاتتاندىرىپ, جالپى قۇنى 607 ملن تەڭگە بولاتىن م ۇلىكتى تاركىلەدى», – دەپ مالىمدەدى اگەنتتىكتىڭ رەسمي وكىلى ەرنار تايجان.

ۇكىم زاڭدى كۇشىنە ەنگەن جوق.