جاڭالىقتار
«قازاۆتوجول» كومپانياسىنىڭ ەكس باسشىسى سوتتالدى
فوتو: ztb.kz
«قازاۆتوجول» ۇك» اق-نىڭ بۇرىنعى توراعاسى بيۋدجەت قاراجاتىن جىمقىرعانى ءۇشىن سوتتالدى, دەپ حابارلايدى qandastar.kz
استانا قالاسىنىڭ قىلمىستىق ىستەر جونىندەگى اۋدانارالىق سوتى «قازاۆتوجول» ۇك» اق-نىڭ بۇرىنعى توراعاسى مەن باس مەردىگەرگە قاتىستى «جاقسى-ەسىل – بۋزۋلۋك» اۆتوجولىن كۇردەلى جوندەۋگە, سونىڭ ىشىندە ەسىل وزەنى ارقىلى وتەتىن كوپىردى سالۋعا بولىنگەن 200 ملن تەڭگە كولەمىندە مەملەكەت قاراجاتىن جىمقىرعانى ءۇشىن ۇكىم شىعاردى.
كەلىسىمشارتتىڭ بۇزۋشىلىقتارمەن جاسالعاندىعى جانە بەرىلگەن اۆانستىڭ ىسىراپ ەتىلگەندىگى دالەلدەندى. جوبا بويىنشا جۇمىس باستالماعان.
سوتتالعاندار 8 جىلعا باس بوستاندىعىنان ايىرىلدى. سونىمەن قاتار, سوت مەملەكەتكە كەلتىرىلگەن زالالدى ءوندىرىپ الدى.
سوت ۇكىمى زاڭدى كۇشىنە ەنگەن جوق.
