«QazAvtoJoldyń» kóktaıǵaqpen kúresýdegi ádisi kópshiliktiń ashýyn týdyrdy

Foto: vıdeo skrın

Áleýmettik jelide er adamnyń jeńil kóliktiń júk salǵyshyndaǵy qumdy muz qatqan jolǵa kúrekpen shashyp júrgen vıdeosy tarady. Kúrekpen qum shashyp júrgen er adam jol ýchaskesiniń bastyǵy bolyp shyqty, dep habarlaıdy qandastar.kz

“QazAvtoJoldyń” málimetinshe, 19-20 jeltoqsan kúnderi «Samara-Shymkent» tas jolynyń 541 shaqyrymynda qar men kóktaıǵaq saldarynan kólik keptelisi paıda bolǵan.

“Joldy tazartý úshin arnaıy tehnıka jumys isteıdi. Biraq qozǵalys qarqyndylyǵyna baılanysty, arnaıy tehnıka jumysty ońtaılandyra almady. Jol ýchaskesiniń basshysy júrgizýshilerdiń qaýipsizdigin qamtamasyz etý úshin osyndaı shuǵyl sheshim qabyldady”, – delingen habarlamada.