Bilim
Qazbek Isa «Jaıly mektep» jobasyn jemqorlyq jaılaǵanyn aıtty
Foto:ashyq derekkóz
Áýelde «Jaıly mektep» dep súıinshilegen joba «maıly mektepke» aınalyp, bireýlerdiń qaltasyn qampıtyp otyrǵany áshkerelenip jatyr, dep jazady qandastar.kz
Áshkere telegram arnasy jazǵandaı, Ulttyq qordan osy jobaǵa 2023-2025 jyldarǵa bólingen 1 trln 493 mlrd teńgege barlyǵy 217 mektep salý josparlanǵan bolatyn. Depýtattyń esebine súıensek, osy qarjyǵa 217 emes, kemi 1000 mektep salýǵa bolar edi.
«Bir mekteptiń ornyna 4-5 mektep salatyn qarjy qaıda ketip jatyr? Esepsiz mıllıardtardyń suraýy kimde?», — deıdi májilismen.
Máseleniń túp-tamyrynda memlekettik satyp alý júıesindegi jemqorlyq jatyr. Álıhan Smaıylov basqaratyn Joǵary aýdıtorlyq palata «Jaıly mektep» jobasy aıasynda tek 2023 jyly 311,9 mlrd. teńgeniń betalbaty jumsalǵanyn anyqtaǵan. Qazybek Isanyń pikirinshe, baǵdarlama bólingen qyrýar qarajat «jaıly mektepti» «maıly mektepke» aınaldyryp otyr. «Mektepter salý úshin jeke kásipkerlerge memleket tarapynan jer ýchaskeleri berilip, olarmen senimdi seriktestik qatynas ornatylýy kerek», -deıdi depýtat. Endigi másele – osy mıllıardtardyń naqty kimderdiń qaltasyna túsip jatqanyn anyqtaý.
