جاڭالىقتار
قازگيدرومەت: كۇن قايتا سالقىندايدى
فوتو: اشىق دەرەككوز
«قازگيدرومەت» رمك ماماندارى الداعى بەيسەنبىدە, 2025 جىلدىڭ 20 ناۋرىزىندا ەلىمىزدە اۋا رايى قانداي بولاتىنىن ايتتى, دەپ حابارلايدى qandastar.kz
بولجامعا سايكەس, ەلىمىزدىڭ باتىسىندا, وڭتۇستىگىندە, شىعىسىندا جاۋىن-شاشىنسىز اۋا رايى كۇتىلەدى.
«وڭتۇستىك-باتىستا, سولتۇستىك-باتىستا, سولتۇستىكتە, قازاقستاننىڭ ورتالىعىندا اتموسفەرالىق فرونتالدى بولىكتەردىڭ جۇرۋىنە بايلانىستى جاڭبىر جاۋادى», — دەپ حابارلايدى «قازگيدرومەت» رمك.
سونداي-اق, رەسپۋبليكامىزدىڭ باتىسىندا, سولتۇستىگىندە, ورتالىعىندا تۇمان, سولتۇستىگىندە, وڭتۇستىك-شىعىسىندا, ورتالىعىندا جەلدىڭ كۇشەيۋى, سولتۇستىگىندە كوكتايعاق سيپاتىنداعى تابيعي قۇبىلىستار كۇتىلەدى.
بۇعان دەيىن سينوپتيكتەر 2025 جىلى 20-22 ناۋرىز ارالىعىندا قازاقستانعا تاعى دا ايازدى كۇندەر قايتا ورالاتىنىن ەسكەرتكەن.
