Qazgıdromet: Jaz qurǵaq bolady

Foto: ashyq derekkóz

Tótenshe jaǵdaılar mınıstrligi Ekologııa mınıstrligimen birlese otyryp, vedomstvoaralyq jospardy bekitti, tabıǵı órtterge, onyń ishinde shekaralas memlekettermen áreket etý algorıtmderi túzetildi. Bul týraly Úkimet otyrysynda Tótenshe jaǵdaılar vıe-mınıstri Kegen Tursynbaev málimdedi, – dep habarlaıdy qandastar.kz Úkimetke silteme jasap.

О́ńirlerde aýmaqty tazartý jáne jyrtý jumystary júrgizilýde, sondaı-aq ormandy dala alqaptarynda aldyn alý sharalary bastaldy. Ákimdikterge órttiń qaýipti kezeńine daıyndyqtyń jetkiliksizdigi týraly 700-den astam eskertý berildi.

Sonymen qatar, «Qazgıdromettiń» boljamyna sáıkes, jaz qurǵaq, shópti bolady dep kútilýde, sol arqyly órt qaýiptiliginiń joǵary qaýpi saqtalady. Qazirgi ýaqytta Tótenshe jaǵdaılar mınıstrliginiń Komandalyq ortalyǵynda táýlik boıy jedel top jumys isteıdi. О́tken jyldaǵydaı, órt oshaqtarynyń aldyn alýǵa jáne erte anyqtaýǵa basty nazar aýdarylady. «Orman» jáne «Tabıǵat» aqparattyq júıeleri, orman sharýashylyqtarynyń beınebaqylaý derekteri, kosmomonıtorıng jáne Tótenshe jaǵdaılar geoaqparattyq júıesi arqyly órt jaǵdaıyna monıtorıng júrgiziledi.