قازىرگى سۋ تاسقىنى جاعدايى تۋرالى اقپارات

وتكەن تاۋلىكتە سولتۇستىك قازاقستان وبلىسىنىڭ پەتروپاۆل قالاسى مەن قىزىلجار اۋدانىندا موتوپومپالاردىڭ جانە جىلجىمالى سورعى ستانتسيالارىنىڭ كومەگىمەن 179 ۇيدەن سۋدىڭ باعىتى بۇرىلىپ, سۋ سورىلدى. بارلىعى 277 مىڭنان استام تەكشە مەتر سۋ سورىلدى.

ەسىل وزەنىنىڭ سۋ دەڭگەيىنە مونيتورينگ جۇرگىزىلۋدە. قوستاناي, پاۆلودار جانە اقمولا وبلىستارى تج دەپارتامەنتتەرىنەن كەلگەن كۇشتەر مەن قۇرالدار پەتروپاۆل قالاسىنىڭ پودگورا جانە كوجەۆەننىي شاعىن اۋداندارىندا, قىزىلجار اۋدانىنىڭ تەپليچنوە اۋىلىندا سۋ تاسقىنىنا قارسى جۇمىستارعا جۇمىلدىرىلدى. اتىراۋ وبلىسىنىڭ قۇلسارى قالاسىندا سۋ باسقان اۋماقتاردان سۋ سورۋ جانە دەزينفەكتسيالىق جۇمىستار تاۋلىك بويى جالعاستىرىلۋدا. جايىق وزەنىنىڭ سۋ دەڭگەيىنە مونيتورنينگ جۇرگىزىلۋدە, سۋ دەڭگەيىنىڭ بىرتىندەپ جوعارىلاعانى بايقالادى.

جاعداي باقىلاۋدا. اتىراۋ قالاسى مەن قۇرمانعازى اۋدانىندا بوگەن سالۋ جۇمىستارى جۇرگىزىلۋدە. اقتوبە وبلىسى ىرعىز اۋدانىنىڭ قۇيلىس جانە جايساڭباي اۋىلدارىندا بوگەتتەردى نىعايتۋ جۇمىستارى جالعاستىرىلۋدا. وتكەن تاۋلىكتە 3 500 قاپشىق پەن 427 توننا ينەرتتى ماتەريال توسەلدى. تورعاي وزەنىنىڭ سۋ دەڭگەيى تۇراقتالۋدا. رەسپۋبليكا بويىنشا 9 839 تۇرعىن ءۇي مەن 3 215 اۋلا اۋماعىنان سۋدىڭ باعىتى بۇرىلىپ, سۋ سورىلدى. 16,5 ملن ەرىگەن قار سۋى سورلدى. 50 841 ادام ءوز ۇيلەرىنە ورالدى. 5 436 ادام ۋاقىتشا ورنالاسۋ پۋنكتتەرىندە قالۋدا. اۆاريالىق-قۇتقارۋ جانە سۋ تاسقىنىنا قارسى جۇمىستارعا 11 028  ادام, 1 284 تەحنيكا, 326 سۋ سورۋ قۇرالى جانە 67 ءجۇزۋ قۇرالى, 6 اۋە كەمەسى جۇمىلدىرىلدى.