جاڭالىقتار
قازمۇنايگاز: مۇناي ءوندىرۋ كولەمى ءوستى, بىراق كەي جەردە قور تاۋسىلىپ جاتىر
فوتو: اشىق دەرەككوز
بۇل كومپانياسىنىڭ 9 ايداعى ەسەبىندە كورسەتىلگەن, دەپ جازادى qandastar.kz atamekenbusiness_qaz-عا سىلتەمە جاساپ.
جالپى كومپانيا جىل باسىنان بەرى 18 ملن توننا مۇناي ءوندىرىپ, 65% ەكسپورتتاعان. ءوندىرىس كولەمى وتكەن جىلعا قاراعاندا 3% كوپ.
ال گاز ءوندىرۋ كولەمى 2,8% ارتىپ, 7 ملن-نان 7,2 ملن تەكشە مەترگە جەتكەن.
قارا التىن وندىرگەن كومپانيالار:
«وزەنمۇنايگاز» اق – 3 809 مىڭ توننا;
«ەمبىمۇنايگاز» اق – 2077 مىڭ توننا;
«ماڭعىستاۋمۇنايگاز» اق – 2 302 مىڭ توننا;
«تەڭىزشەۆرويل» جشس – 4,296 مىڭ توننا;
North Caspian Operating Company N.V. – 2 306 مىڭ توننا;
قاراشىعاناق پەتروليۋم وپەرەيتينگ ب.ۆ. – 798 مىڭ توننا.
ء«وسىم ەڭ الدىمەن دۋنگا كەن ورنىن ساتىپ الۋ جانە وتكەن جىلدىڭ سوڭىندا روجكوۆ كەن ورنىن ىسكە قوسۋمەن, سونداي-اق ورىكتاۋ كەن ورنىندا جاڭا ۇڭعىمالاردى ىسكە قوسۋمەن بايلانىستى», – دەپ مالىمدەدى.
كومپانيا «قورلاردىڭ تابيعي تاۋسىلۋىنا بايلانىستى» قۇمكول توبىنداعى كەن ورىندارىندا مۇناي ءوندىرۋ كولەمى تومەندەگەنى تۋرالى دا حابارلادى.
