«قازپوشتا» باسشىسى قانشا جالاقى الادى?

ماجىلىستە «پوشتا تۋرالى» زاڭعا وزگەرىستەر مەن تولىقتىرۋلار بەكىتىلگەننەن كەيىن «قازپوشتا» اق باسقارما ءتورايىمى اسەل جاناسوۆا الاتىن جالاقىسىن ءمالىم ەتتى, دەپ حابارلايدى qandastar.kz

ول قولىنا 1,2 ميلليون تەڭگە «تازا» الاتىنىن ايتتى. بۇل رەتتە پوشتاشىلار ورتا ەسەپپەن 160 مىڭ تەڭگە الادى. كەيبىرەۋلەر تولىق ەمەس جۇمىس كۇن قىزمەت ىستەيدى, ويتكەنى شالعايداعى اۋىلدارعا حات سيرەك كەلەدى جانە جۇمىس كوپ ەمەس.

«پوشتا بولىمشەسىندە تەك پوشتاشىلار قىزمەت ىستەمەيدى. بىزدە جۇرگىزۋشىلەر, سۇرىپتاۋشىلار, وپەراتورلار بار.جالاقى ءارتۇرلى. پوشتاشىلار جارتى كۇن جۇمىس ىستەيتىن ايماقتار بار. ولار تولىق كۇن جۇمىس ىستەمەيدى. ءۇشىنشى اۋىسىمدا سۇرىپتاۋشى تۇندە شىقتى دەلىك. اي سايىنعى جالاقىسىنىڭ ۇشتەن ءبىرىن الادى. ال ادامنىڭ جالاقىسى از بولعانىمەن, شىن مانىندە ءۇش-ءتورت جۇمىسى بار سياقتى», – دەيدى اسەل جاناسوۆا.

ول ۇيىمنىڭ جالاقىنى جىل سايىن ارتتىراتىنىن اتاپ ءوتتى. 2023 جىلى اۋىلداعى وندىرىستىك پەرسونال ءۇشىن 25%-عا ءوستى. بيىل – تاعى 15%-عا. پوشتادا نەگىزىنەن ايەلدەر جۇمىس ىستەيدى, شامامەن 85%.

2022 جىلى وڭىرلەردەگى پوشتاشىلار ايىنا ورتاشا ەسەپپەن 90 مىڭ تەڭگە جالاقى الدى