«Qazposhta» basshysy qansha jalaqy alady?

Májiliste «Poshta týraly» zańǵa ózgerister men tolyqtyrýlar bekitilgennen keıin «Qazposhta» AQ basqarma tóraıymy Ásel Janasova alatyn jalaqysyn málim etti, dep habarlaıdy qandastar.kz

Ol qolyna 1,2 mıllıon teńge «taza» alatynyn aıtty. Bul rette poshtashylar orta eseppen 160 myń teńge alady. Keıbireýler tolyq emes jumys kún qyzmet isteıdi, óıtkeni shalǵaıdaǵy aýyldarǵa hat sırek keledi jáne jumys kóp emes.

«Poshta bólimshesinde tek poshtashylar qyzmet istemeıdi. Bizde júrgizýshiler, suryptaýshylar, operatorlar bar.Jalaqy ártúrli. Poshtashylar jarty kún jumys isteıtin aımaqtar bar. Olar tolyq kún jumys istemeıdi. Úshinshi aýysymda suryptaýshy túnde shyqty delik. Aı saıynǵy jalaqysynyń úshten birin alady. Al adamnyń jalaqysy az bolǵanymen, shyn máninde úsh-tórt jumysy bar sııaqty», – deıdi Ásel Janasova.

Ol uıymnyń jalaqyny jyl saıyn arttyratynyn atap ótti. 2023 jyly aýyldaǵy óndiristik personal úshin 25%-ǵa ósti. Bıyl – taǵy 15%-ǵa. Poshtada negizinen áıelder jumys isteıdi, shamamen 85%.

2022 jyly óńirlerdegi poshtashylar aıyna ortasha eseppen 90 myń teńge jalaqy aldy