«قازپوشتا» كاسسيرلەرى 84 ميلليون تەڭگەدەن استام قارجى جىمقىرعان

فوتو: azh.kz

«قازپوچتا» اق-نىڭ الماتى وبلىسى جامبىل اۋداندىق حالىققا قىزمەت كورسەتۋ بولىمىندە كاسسيرلەرى 2021-2023 جىلدار ارالىعىندا ازاماتتارعا تولقۇجاتتار مەن جەكە كۋالىكتەردى بەرۋ كەزىندە تولەنگەن مەملەكەتتىك باج سالىعىنىڭ ءبىر بولىگىن جىمقىرعان, دەپ حابارلايدى Skifnews.kz اقپارات پورتالى.

سودان كەيىن ولار كوشى-قون پوليتسياسىنا بۇرمالانعان جالعان تۇبىرتەكتەردى بەرگەن. قارجى مونيتورينگى اگەنتتىگىنىڭ مالىمدەۋىنشە, مەملەكەتكە 84 ميلليون تەڭگەدەن استام شىعىن كەلگەن.

قارجىلىق مونيتورينگ اگەنتتىگى الماتى وبلىسى پروكۋراتۋرانىڭ ۇيلەستىرۋىمەن مەملەكەتتىك قىزمەتتەر كورسەتىلگەندىگى ءۇشىن جاسالعان تولەمدەردى اسا ءىرى مولشەردە جىمقىرۋ ءمان-جايى بويىنشا سوتقا دەيىنگى تەرگەپ-تەكسەرۋ باستادى.

تەرگەپ-تەكسەرۋمەن الماتى وبلىسى جامبىل اۋدانىنىڭ حالىققا قىزمەت كورسەتۋ بولىمىندە قىزمەت كورسەتەتىن «قازپوشتا» اق كاسسيرلەرى 2021-2023 جىلدار ارالىعىندا پاسپورت جانە جەكە كۋالىكتى راسىمدەۋ بارىسىندا مەملەكەتتىك باجدىڭ ءبىر بولىگىن يەمدەنىپ وتىرعاندىعى انىقتالدى.

كوشى-قون قىزمەتىنە باج سومماسى جايلى كورىنەۋ جالعان اقپارات ەنگىزىلگەن تۇبىرتەكتى ۇسىنىپ, مەملەكەتكە 84 ملن تەڭگەدەن اسا شىعىن كەلتىرگەن.

تەرگەپ-تەكسەرۋ جالعاسۋدا, وزگە اقپارات قر قپك 201 بابىنا سايكەس جاريالاۋعا جاتپايدى.

قارجىلىق مونيتورينگ اگەنتتىگى ەكونوميكالىق قۇقىقبۇزۋشىلىقتار ءۇشىن زاڭمەن جاۋاپكەرشىلىك كوزدەلگەندىگىن ەسكەرتەدى, – دەپ حابارلادى ۆەدومستۆودان.