«Qazposhta» kassırleri 84 mıllıon teńgeden astam qarjy jymqyrǵan

Foto: azh.kz

«Qazpochta» AQ-nyń Almaty oblysy Jambyl aýdandyq halyqqa qyzmet kórsetý bóliminde kassırleri 2021-2023 jyldar aralyǵynda azamattarǵa tólqujattar men jeke kýálikterdi berý kezinde tólengen memlekettik baj salyǵynyń bir bóligin jymqyrǵan, dep habarlaıdy Skifnews.kz aqparat portaly.

Sodan keıin olar kóshi-qon polıııasyna burmalanǵan jalǵan túbirtekterdi bergen. Qarjy monıtorıngi agenttiginiń málimdeýinshe, memleketke 84 mıllıon teńgeden astam shyǵyn kelgen.

Qarjylyq monıtorıng agenttigi Almaty oblysy prokýratýranyń úılestirýimen memlekettik qyzmetter kórsetilgendigi úshin jasalǵan tólemderdi asa iri mólsherde jymqyrý mán-jaıy boıynsha sotqa deıingi tergep-tekserý bastady.

Tergep-tekserýmen Almaty oblysy Jambyl aýdanynyń halyqqa qyzmet kórsetý bóliminde qyzmet kórsetetin «Qazposhta» AQ kassırleri 2021-2023 jyldar aralyǵynda pasport jáne jeke kýálikti rásimdeý barysynda memlekettik bajdyń bir bóligin ıemdenip otyrǵandyǵy anyqtaldy.

Kóshi-qon qyzmetine baj sommasy jaıly kórineý jalǵan aqparat engizilgen túbirtekti usynyp, memleketke 84 mln teńgeden asa shyǵyn keltirgen.

Tergep-tekserý jalǵasýda, ózge aqparat QR QPK 201 babyna sáıkes jarııalaýǵa jatpaıdy.

Qarjylyq monıtorıng agenttigi ekonomıkalyq quqyqbuzýshylyqtar úshin zańmen jaýapkershilik kózdelgendigin eskertedi, – dep habarlady vedomstvodan.