«KAZSAT-3R» JER SERIGI UShYRYLÝY MÚMKIN

«KazSat-2» jerserigin paıdalaný merzimi osy jyly aıaqtalady degen aqparat shyndyqqa janaspaıdy. Bul týraly respýblıkalyq ǵaryshtyq baılanys ortalyǵynyń qyzmetkerleri habarlady.

Mamandardyń sózine súıensek, «KazSat» úlgisindegi otandyq jer serikteriniń tehnıkalyq múmkindigi áli birneshe jylǵa jetedi. Bul – Aqkól qalasyndaǵy ǵaryshtyq baılanys ortalyǵy. Otandyq jer serikteri osy jerden basqarylady. Jalpy «KazSat-2» jasandy jer seriginiń orbıtaǵa jiberilgenine bıyl 13 jyl. Nurken Ismaılov, Ǵaryshtyq baılanys ortalyǵynyń jetekshi ınjeneri: — Maqtanysh, árıne, bar. О́ıtkeni kóp elde mundaı ǵarysh apparattary joq.

Bizde, mysaly, bireý emes, 2 ǵarysh apparatymyz bar. Taǵy da bolady degen úmittemiz. Alystaǵy nemese taýda ornalasqan kóp baılanys túri jete qoımaıtyn aýyldarǵa ǵaryshtyq baılanys beremiz. Televıdenıe beremiz. Aqkólmen qatar Almaty oblysynyń Kókterek aýylynda da basqarý kesheni bar. Olardyń jumysy Qazaqstanmen birge Ortalyq Azııany qamtıdy. Búginde «Kazsat» ǵaryshtyq baılanys jáne habar taratý júıesinde KazSat-2 jáne KazSat-3 jasandy jer serikteri qyzmet etedi. Mırlan Altynbek, tilshi: — Búginde zamanaýı ǵarysh tehnologııalary barlyq salada qoldanylady. Atap aıtsaq, Jerdi qashyqtan zondtaý, ǵarysh monıtorıngi taǵy bar. Osyǵan deıin optıkalyq qurylǵylar paıdalanylyp kelse, aldaǵy ýaqytta radarlyq apparattar júıege engizilýi múmkin. Bul týraly Aıdyn Aıymbetov jyl basynda «Qazaqstan-Japonııa» bıznes forýmynda tilge tıek etti. Ulttyq ǵarysh ortalyǵy basqarmasynyń tóraǵasy Aıdyn Aıymbetov radarlyq tehnologııanyń artyqshylyǵyn aıtyp, qandaı salalarda paıdaǵa jaraıtynyn túsindirdi.

Aıdyn Aıymbetov, «Qazaqstan ǵarysh sapary» UK» AQ basqarma tóraǵasy: — Optıkalyq qurylǵy tek kúndiz jáne aspan ashyq kezde jumys isteı alsa, radarlyq júıege túngi ýaqyt pen bultty aýa raıy kedergi emes. Radıoımpýls arqyly qyzmet etedi.  О́kinishke qaraı, qazir elimizdiń sý arnalary men sý qoımalarynyń tozyǵy jetken. О́zender men kólderdi, aǵystardy, sýdyń tabıǵı ári jasandy baǵyttaryn, býlanýyn jáne aýyl sharýashylyǵynda qoldaný mólsherin ǵarysh monıtorıngi arqyly baqylaı alamyz. Aldaǵy ýaqytta «KazSat-3R» jer serigi ushyrylýy múmkin. Biraq ol úshin «Baıqońyr» ǵarysh aılaǵyn jańǵyrtý kerek, – deıdi Senat depýtattary. Ǵalıasqar Sarybaev, QR Parlamenti Senatynyń depýtaty: — Keıingi jyldary «Baıqońyr» ǵarysh aılaǵynda kommerııalyq ushýlar toqtady. Sonyń saldarynan suranys tómendedi. Osy keshenniń qabilettiligin saqtap qalý, jumys oryndaryn qurý jáne ulttyq mamandar korpýsyn qalyptastyrý maqsatynda «Báıterek» jobasyn iske asyrýdy jalǵastyrý qajet. Aeroǵarysh jobalarynyń uzaq merzimderi, qarjylandyrýdyń jetkiliksizdigi kadrlardyń basqa salaǵa aýysýyna jáne shetelderge jappaı ketýine ákelip otyr.

Senatordyń aıtýynsha, Qazaqstan ǵaryshtyq áleýetin tolyq paıdalanbaı otyr. Bólinetin qarjy da jyl ótken saıyn qysqaryp, sala qurdymǵa ketýge jaqyn. Keıingi onjyldyqta aeroǵarysh salasyn damytý boıynsha bir de bir memlekettik baǵdarlama qabyldanbaǵan. Bulaı jalǵasa berse, «KazSat-3R» jasandy jerserigin ushyrý toqtap qalýy ǵajap emes, – deıdi Ǵalıasqar Sarybaev. Jospar boıynsha «KazSat-2» 2026 jylǵa deıin, al «KazSat-3» 2029 jylǵa deıin jumys isteıdi.