«قازترانسويل» توپ-مەنەدجمەنتى بىلتىر 426 ملن تەڭگەدەن اسا سىياقى العان

فوتو: Halyq Uni

«قازترانسويل» توپ-مەنەدجمەنتى 2023 جىلى سىياقى رەتىندە 426 553 025 قاراجات العان, دەپ حابارلايدى Halyq Uni.

كومپانيانىڭ باسقارما قۇرامى 7 ادامنان تۇرادى. باس ديرەكتور ارمان قاسەنوۆ, ءوندىرىس جونىندەگى ورىنباسارى تەمىرحان ءابدىروۆ, كولىك جونىندەگى ورىنباسارى ەريك ساعيەۆ, ەكونوميكا جانە قارجى جونىندەگى ورىنباسارى ءامىرجان وسپانوۆ, كورپوراتيۆتىك باسقارۋ جونىندەگى ورىنباسارى الماس وڭعارسىنوۆ, قۇقىقتىق ماسەلەلەر جونىندەگى باسقارۋشى ديرەكتور جايدارمان يساقوۆ, الەۋمەتتىك جانە ەڭبەك قاتىناستارى جونىندەگى باسقارۋشى ديرەكتور عازيز قوشانوۆ.

ينۆەستورلارمەن بايلانىس قىزمەتىنىڭ مالىمەتىنشە, بيىلعى ءبىرىنشى جارتىجىلدىقتا جالپى كىرىس 151 ملرد تەڭگەنى قامتىعان. بۇل – 2023 جىلدىڭ ءبىرىنشى جارتىجىلدىعىمەن سالىستىرعاندا, 10,3% ارتىق. الايدا تازا پايدا 3,9%-عا ازايىپ, 19,5 ملرد تەڭگەنى قامتىدى.

تەك «قازترانسويل» اق-نىڭ قارجىلىق ناتيجەلەرىن قاراستىراتىن بولساق, ونىڭ كىرىسى – 126 ملرد تەڭگە. بۇل – وتكەن جىلدىڭ سايكەس كەزەڭىمەن سالىستىرعاندا, 13%-عا جوعارى. كاسىپورىننىڭ تازا تابىسى 164,3% ءوسىپ, 22,9 ملرد تەڭگەگە جەتتى.