«QazTransOıl» top-menedjmenti byltyr 426 mln teńgeden asa syıaqy alǵan

foto: Halyq Uni

«QazTransOıl» top-menedjmenti 2023 jyly syıaqy retinde 426 553 025 qarajat alǵan, dep habarlaıdy Halyq Uni.

Kompanııanyń basqarma quramy 7 adamnan turady. Bas dırektor Arman Qasenov, óndiris jónindegi orynbasary Temirhan Ábdirov, kólik jónindegi orynbasary Erık Saǵıev, ekonomıka jáne qarjy jónindegi orynbasary Ámirjan Ospanov, korporatıvtik basqarý jónindegi orynbasary Almas Ońǵarsynov, quqyqtyq máseleler jónindegi basqarýshy dırektor Jaıdarman Isaqov, áleýmettik jáne eńbek qatynastary jónindegi basqarýshy dırektor Ǵazız Qoshanov.

Investorlarmen baılanys qyzmetiniń málimetinshe, bıylǵy birinshi jartyjyldyqta jalpy kiris 151 mlrd teńgeni qamtyǵan. Bul – 2023 jyldyń birinshi jartyjyldyǵymen salystyrǵanda, 10,3% artyq. Alaıda taza paıda 3,9%-ǵa azaıyp, 19,5 mlrd teńgeni qamtydy.

Tek «QazTransOıl» AQ-nyń qarjylyq nátıjelerin qarastyratyn bolsaq, onyń kirisi – 126 mlrd teńge. Bul – ótken jyldyń sáıkes kezeńimen salystyrǵanda, 13%-ǵa joǵary. Kásiporynnyń taza tabysy 164,3% ósip, 22,9 mlrd teńgege jetti.