جاڭالىقتار
قازۇۋ-دا ۇلكەن داۋ شىقتى. باسشىلىقتىڭ ەڭبەك دەمالىسىن سۇراعان وقىتۋشىنى جاراقاتتاپ, قىسىم كورسەتكەنى ايتىلدى
فوتو: اشىق دەرەككوز
الەۋمەتتىك جەلىدە ءال-فارابي اتىنداعى قازاق ۇلتتىق ۋنيۆەرسيتەتىندە ايەلگە شابۋىل جاسالعانىن كورسەتەتىن ۆيدەو جاريالاندى. بۇل تۋرالى qandastar.kz Stan.kz اقپارات اگەنتتىگىنە سىلتەپ حابارلايدى.
وقيعا 2 تامىز كۇنى بولعان. ۆيدەوداعى ايەل ءوزىنىڭ سوت شەشىمىمەن جۇمىسقا قايتا الىنعانىن, جىلدىق دەمالىسى تۋرالى اقپارات الۋ ءۇشىن ۋنيۆەرسيتەتكە كەلگەنىن ايتادى. ول 16 ماۋسىمنان بەرى زاڭدى ەڭبەك دەمالىسىنا شىعا الماي جۇرگەنىن العا تارتتى. وقىتۋشى گاۋھار دۇيسەمبيەۆا كافەدرا مەڭگەرۋشىسىنە حابارلاسقان. ارتىنان ۋنيۆەرسيتەت قىزمەتكەرلەرى ايەلگە شابۋىل جاساپ, تەلەفونىن تارتىپ الىپ, دەنە جاراقاتىن سالعان كورىنەدى. ۆيدەودا ايەل شابۋىلدىڭ سالدارىنان زارداپ شەككەنىن ايتىپ, كوگەرگەن جەرلەر مەن جاراقاتتارىن كورسەتەدى. ول ءوزىنىڭ ءار قادامىن ۆيدەوعا تۇسىرۋگە ءماجبۇر بولعانىن ايتتى.
الماتى قالالىق پوليتسيا دەپارتامەنتىنىڭ ءباسپاسوز قىزمەتى قازىر وقيعاعا قاتىستى تەرگەۋ ءجۇرىپ جاتقانىن راستادى.
«بوستاندىق اۋداندىق پوليتسيا ءبولىمى جاراقاتتىڭ اۋىرلىعىن انىقتاۋ ءۇشىن سوت-مەديتسينالىق ساراپتاما تاعايىندادى. ءىستىڭ ءمان-جايى انىقتالۋدا», – دەدى پوليتسيا وكىلدەرى.
ۋنيۆەرسيتەت وكىلدەرى دە وقيعاعا قاتىستى تۇسىنىك بەردى.
“وقيعا 2024 جىلدىڭ 2 تامىزىندا دۇيسەمبيەۆانىڭ جانە باسقا دا پروفەسسورلىق-وقىتۋشىلار قۇرامىنىڭ قاتىسۋىمەن ۋنيۆەرسيتەتتە ورىن العان. اتالعان فاكتى دۇيسەمبيەۆانىڭ ارىزى بويىنشا بوستاندىق اۋدانىنىڭ پوليتسيا بولىمىندە تىركەلگەنىن حابارلايمىز. قازىرگى ۋاقىتتا پوليتسيا قىزمەتكەرلەرى تەرگەۋ امالدارىن جۇرگىزىپ جاتىر, سوڭعى پروتسەسسۋالدىق شەشىم قابىلدانعان جوق», – دەپ حابارلادى ۋنيۆەرسيتەتتىڭ ءباسپاسوز قىزمەتى.
ءباسپاسوز قىزمەتىنىڭ حابارلاۋىنشا گاۋھار دۇيسەمبيەۆا 2022 جىلدىڭ 1 قىركۇيەگىنەن باستاپ قازىرگى ۋاقىتقا دەيىن وقىتۋشى بولىپ قىزمەت اتقارعان.
«2022-2023 وقۋ جىلىندا ورىس فيلولوگياسى كافەدراسىندا 1,5 ستاۆكا بويىنشا مۇعالىمى بولدى. ال 2023 جىلدىڭ قىركۇيەگىنەن باستاپ قازۇۋ-دىڭ مامانداندىرىلعان مەكتەبىندە وقىتۋشى قىزمەتىن اتقاردى. وسىلايشا دۇيسەمبيەۆا سوڭعى ەكى وقۋ جىلىندا قازۇۋ-دا ۇزدىكسىز جۇمىس ىستەپ كەلگەن. ال, 2024 جىلدىڭ شىلدەسىندە, 10 ايدان استام ۋاقىت وتكەن سوڭ, دۇيسەمبيەۆا قازۇۋ-دىڭ قازىرگى وقىتۋشىسى بولا تۇرا, سول ۋنيۆەرسيتەتتىڭ ورىس فيلولوگياسى كافەدراسىنىڭ وقىتۋشىسى قىزمەتىنە قايتا ورالۋ تۋرالى نەگىزسىز ازاماتتىق ءىس قوزعادى. بوستاندىق اۋداندىق سوتى 2024 جىلعى 15 شىلدەدە دۇيسەمبيەۆانىڭ تالاپ ارىزىن قاناعاتتاندىردى», – دەلىنگەن اقپاراتتا.
سوت شەشىمى قازىر الماتى قالاسىنىڭ جوعارى سوتىندا اپەللياتسيالىق تارتىپتە قارالۋدا.
«ازاماتتىق ءىس جۇرگىزۋ كودەكسىنىڭ جۇمىسقا قالپىنا كەلتىرۋ تۋرالى سوت شەشىمىن دەرەۋ ورىنداۋ قاجەتتىگى تۋرالى تالابىنا بايلانىستى ۋنيۆەرسيتەت دۇيسەمبيەۆانى 2024 جىلعى 15 شىلدەدە ورىس فيلولوگياسى كافەدراسىنا وتەماقى تولەي وتىرىپ, وقىتۋشى قىزمەتىنە قالپىنا كەلتىرۋگە ءماجبۇر ەتتى. دۇيسەمبيەۆانىڭ پايداسىنا 855 مىڭ تەڭگە جالاقى ءوندىرىلدى.
دۇيسەمبيەۆانىڭ نەگىزسىز سوت اكتىسى ناتيجەسىندە گاۋھار قازىرگى ۋاقىتتا ەڭبەك كودەكسىنىڭ نورمالارىن بۇزا وتىرىپ, قازۇۋ-دە ەكى لاۋازىمدا وقىتۋشى بولىپ جۇمىس ىستەپ, ءبىر زاڭدى تۇلعادا 2,68 لاۋازىمدى اتقارۋدا. 2024 جىلدىڭ 5 شىلدەسى مەن 31 تامىزى ارالىعىندا مامانداندىرىلعان مەكتەپتە مۇعالىمنىڭ نەگىزگى قىزمەتى بويىنشا جىل سايىنعى ەڭبەك دەمالىسىندا جانە ەڭبەك كودەكسىنىڭ 92-بابىن بۇزا وتىرىپ, ەكىنشى لاۋازىمىنا دەمالىس بەرۋدى تالاپ ەتكەن», – دەپ قورىتىندىلادى ۋنيۆەرسيتەت وكىلدەرى.
گاۋحار دۇيسەمبيەۆانىڭ ايتۋىنشا, قازۇۋ ەڭبەك شارتىن بۇزۋ تۋرالى بۇيرىق پەن حابارلامادا ونىڭ قولىمەن ەكى رەت جالعان قۇجات جاساعان. ونى الماتىلىق سوت پەن قولجازبا ساراپتاماسى دالەلدەگەن. جۇمىستا قالپىنا كەلتىرۋ تۋرالى سوت شەشىمىنە قاراماستان, ۋنيۆەرسيتەت باسشىلىعى ول شەشىمدى ورىنداماعان. قازىرگى ۋاقىتتا, ايەلدىڭ ايتۋىنشا, سوت ورىنداۋشىسى بوستاندىق سوتىنىڭ 2024 جىلعى 15 شىلدەدەگى شەشىمىن تيىسىنشە ورىنداماعانى ءۇشىن رەكتورعا قارسى تالاپ ارىز بەرگەن.
