QazUÝ-da úlken daý shyqty. Basshylyqtyń eńbek demalysyn suraǵan oqytýshyny jaraqattap, qysym kórsetkeni aıtyldy

Foto: ashyq derekkóz

Áleýmettik jelide ál-Farabı atyndaǵy Qazaq ulttyq ýnıversıtetinde áıelge shabýyl jasalǵanyn kórsetetin vıdeo jarııalandy. Bul týraly qandastar.kz Stan.kz aqparat agenttigine siltep habarlaıdy.

Oqıǵa 2 tamyz kúni bolǵan. Vıdeodaǵy áıel óziniń sot sheshimimen jumysqa qaıta alynǵanyn, jyldyq demalysy týraly aqparat alý úshin ýnıversıtetke kelgenin aıtady. Ol 16 maýsymnan beri zańdy eńbek demalysyna shyǵa almaı júrgenin alǵa tartty. Oqytýshy Gaýhar Dúısembıeva kafedra meńgerýshisine habarlasqan. Artynan ýnıversıtet qyzmetkerleri áıelge shabýyl jasap, telefonyn tartyp alyp, dene jaraqatyn salǵan kórinedi. Vıdeoda áıel shabýyldyń saldarynan zardap shekkenin aıtyp, kógergen jerler men jaraqattaryn kórsetedi. Ol óziniń ár qadamyn vıdeoǵa túsirýge májbúr bolǵanyn aıtty.

Almaty qalalyq polıııa departamentiniń baspasóz qyzmeti qazir oqıǵaǵa qatysty tergeý júrip jatqanyn rastady.

«Bostandyq aýdandyq polıııa bólimi jaraqattyń aýyrlyǵyn anyqtaý úshin sot-medıınalyq saraptama taǵaıyndady. Istiń mán-jaıy anyqtalýda», – dedi polıııa ókilderi.

Ýnıversıtet ókilderi de oqıǵaǵa qatysty túsinik berdi.

“Oqıǵa 2024 jyldyń 2 tamyzynda Dúısembıevanyń jáne basqa da professorlyq-oqytýshylar quramynyń qatysýymen ýnıversıtette oryn alǵan. Atalǵan fakti Dúısembıevanyń aryzy boıynsha Bostandyq aýdanynyń polıııa bóliminde tirkelgenin habarlaımyz. Qazirgi ýaqytta polıııa qyzmetkerleri tergeý amaldaryn júrgizip jatyr, sońǵy proessýaldyq sheshim qabyldanǵan joq», – dep habarlady ýnıversıtettiń baspasóz qyzmeti.

Baspasóz qyzmetiniń habarlaýynsha Gaýhar Dúısembıeva 2022 jyldyń 1 qyrkúıeginen bastap qazirgi ýaqytqa deıin oqytýshy bolyp qyzmet atqarǵan.

«2022-2023 oqý jylynda orys fılologııasy kafedrasynda 1,5 stavka boıynsha muǵalimi boldy. Al 2023 jyldyń qyrkúıeginen bastap QazUÝ-dyń mamandandyrylǵan mektebinde oqytýshy qyzmetin atqardy. Osylaısha Dúısembıeva sońǵy eki oqý jylynda QazUÝ-da úzdiksiz jumys istep kelgen. Al, 2024 jyldyń shildesinde, 10 aıdan astam ýaqyt ótken soń, Dúısembıeva QazUÝ-dyń qazirgi oqytýshysy bola tura, sol ýnıversıtettiń orys fılologııasy kafedrasynyń oqytýshysy qyzmetine qaıta oralý týraly negizsiz azamattyq is qozǵady. Bostandyq aýdandyq soty 2024 jylǵy 15 shildede Dúısembıevanyń talap aryzyn qanaǵattandyrdy», – delingen aqparatta.

Sot sheshimi qazir Almaty qalasynyń joǵary sotynda apellıaııalyq tártipte qaralýda.

«Azamattyq is júrgizý kodeksiniń jumysqa qalpyna keltirý týraly sot sheshimin dereý oryndaý qajettigi týraly talabyna baılanysty ýnıversıtet Dúısembıevany 2024 jylǵy 15 shildede orys fılologııasy kafedrasyna ótemaqy tóleı otyryp, oqytýshy qyzmetine qalpyna keltirýge májbúr etti. Dúısembıevanyń paıdasyna 855 myń teńge jalaqy óndirildi.

Dúısembıevanyń negizsiz sot aktisi nátıjesinde Gaýhar qazirgi ýaqytta Eńbek kodeksiniń normalaryn buza otyryp, QazUÝ-de eki laýazymda oqytýshy bolyp jumys istep, bir zańdy tulǵada 2,68 laýazymdy atqarýda. 2024 jyldyń 5 shildesi men 31 tamyzy aralyǵynda mamandandyrylǵan mektepte muǵalimniń negizgi qyzmeti boıynsha jyl saıynǵy eńbek demalysynda jáne Eńbek kodeksiniń 92-babyn buza otyryp, ekinshi laýazymyna demalys berýdi talap etken», – dep qorytyndylady ýnıversıtet ókilderi.

Gaýhar Dúısembıevanyń aıtýynsha, QazUÝ eńbek shartyn buzý týraly buıryq pen habarlamada onyń qolymen eki ret jalǵan qujat jasaǵan. Ony almatylyq sot pen qoljazba saraptamasy dáleldegen. Jumysta qalpyna keltirý týraly sot sheshimine qaramastan, ýnıversıtet basshylyǵy ol sheshimdi oryndamaǵan. Qazirgi ýaqytta, áıeldiń aıtýynsha, sot oryndaýshysy Bostandyq sotynyń 2024 jylǵy 15 shildedegi sheshimin tıisinshe oryndamaǵany úshin rektorǵa qarsy talap aryz bergen.