QazUÝ stýdenti rektorlyq ǵımarattyń 14-qabatynan qulap ketti

Foto ashyq derekkózden

Almatydaǵy bedeldi ýnıversıtettiń birinde qaıǵyly oqıǵa oryn aldy, dep habarlaıdy qandastar.kz

Bul týraly informburo.kz jazdy.

Almaty qalasynyń polıııasy ál-Farabı atyndaǵy Qazaq ulttyq ýnıversıteti rektory ǵımaratynyń terezesinen qulap ketken qyzdyń qaza bolǵanyn rastady. Aldyn ala málimet boıynsha, oqıǵaǵa otbasylyq jaǵdaılar sebep bolýy múmkin.

Áleýmettik jelilerdegi aqparatqa sáıkes, qyz ýnıversıtettiń birinshi kýrs stýdenti bolǵan. Ol 14-qabattan sekirgen.

«Bul fakt boıynsha Bostandyq aýdandyq polıııa basqarmasy qylmystyq is qozǵady. Qazirgi ýaqytta oqıǵanyń sebepteri men mán-jaılary anyqtalyp jatyr», – delingen Almaty qalalyq polıııa departamentiniń baspasóz qyzmetiniń habarlamasynda.

Aldyn ala derekterge súıensek, polıııa qyzmetkerleri qaıǵyly oqıǵaǵa otbasylyq jaǵdaılar sebep bolýy múmkin ekenin málimdedi.

«Azamattardy jalǵan aqparat taratpaýǵa jáne tek resmı derekkózderge súıenýge shaqyramyz», – dep atap ótti departament ókilderi.